مقاطع ثورية

بعد كل ثورة من ثورات التاريخ , أو الإنتصارات الحربية الكبيرة فى التاريخ الحديث , تنصب المحاكم التى تهدف لسلخ الطرف المهزوم سلخا رحيما , فرأينا الثورة الفرنسية و إختراع المقصلة الذى نال عنه صاحبه جائزة ( العادلى للنفخ و التعذييب ) , و محاكمات نورمبرج بعد الحرب العالمية الثانية و التى كانت رحيمة بعض الشيئ مقارنة بالمحاكم الفرنسية , و كان الراعى الرسمى لمحاكمات نورمبرج المشنقة , أو الفوز برحلة لما خلف الشمس برعاية ( مراجيح مولد العادلى )
فى المعتاد هذه المحاكمات تهدف فقط للردع المعنوى لمن يوسوس له عقلة بعد ذلك , و فى بعض الأحيان لتصفية بعض الحسابات , و مما يلى مشهد من المحاكمات التى ستحدث اليومين الجايين , و مواكبة للتطور فسيتم الإعتماد على أحدث تكنولوجيا بإستخدام الخرارة , خرٌ ..... مين قدك ؟


محاكمة 1
سـ : إسمك ؟
جـ : بكارسـ : الناس شافتك خارج من المتحف المصرى شايل زكيبة , الزكيبة كان فيها إيه ؟
جـ : فيها فيل
سـ : هتستهبل ؟
جـ : لأ خلاص هعترف
ـــ : الزكيبة كان فيها معزتى رشيدة
سـ : و ليه كنت خارج تتلفت حواليك ؟
جـ : كنت هربان من مشرط الشريرسـ : لماذا ترتدى جلابية بيضا كل حلقة , هل لك علاقة بمنظمة الجلاليب البيض ؟
جـ : لا جلاليب بيض ولا نوق عصافير يا باشا , ده سلو بلدنا
سـ : إذا فأنت تعترف ؟
جـ : ....... !!؟
سـ : هل لديك معزات أخرى ؟
محاكمة 2
سـ : إسمك ؟
جـ : خدامتك فؤادة
سـ : الوظيفة ؟
جـ : أخصائية فتح هاويس
سـ : المعلومات بتقول إنك كل شوية بتفتحى الهاويس , الكلام ده صح ؟
جـ : صح
سـ : ليه ؟
جـ : عتريس قافل الهاويس و قاطع المياه عن الدهاشنة كلهاسـ : فى يوم الجمعة 28 يناير قام أبو عتريس بقطع الإنترنت عن مصر كلها , ليه مفتحتيهوش ؟جـ : ....... !!؟سـ : إذا فأنت معترفة بالفساد و الكوسة

ــــ : هل لديكى أقوال أخرى ؟

محاكمة 3سـ : إسمك ؟
جـ : أغسطس
سـ : بتشتغل إيه ؟
جـ : شهر
سـ : إنت متهم إنك حر و ملزق الجو فيك يخنق و مليان دبان و ناموس
جـ : خلقة ربنا يا باشا
سـ : إذا فأنت معترف بالإضرار عمدا بمزاج الوطن
جـ : ....... !!؟
سـ : هل لديك أقوال أخرى ؟

محاكمة 4
سـ : إسمك ؟
جـ : منصور حفنى
سـ : هل لك أى توجهات سياسية معارضة ؟
جـ : طلاق تلاتة أبدا يا باشا
سـ : هل أنت قائل عبارة " من النهاردة مفيش حكومة , أنا الحكومة " ؟
جـ : أنا يا باشا
سـ : علل ؟
جـ : ؟؟
سـ : أقصد إذا أنت معترف إنك إنت الحكومة ؟
جـ : ....... !!؟
سـ : هل لديك أقوال أخرى ؟

محاكمة 5
سـ : إسمك ؟
جـ : الستامونى مشمش
سـ : المهنة ؟
جـ : موزع مخدرات , و صاحب سلسلة قهاوى " حشيش المدينة " ـ
سـ : كنت فين يوم الأربع اللى فات بعد المسلسل ؟
جـ : كنت بطبق حزق التجول و قاعد فى بيتنا يا باشا
سـ : أنت متهم بإستغلال الأزمة و بيع الحشيش أعلى من التسعيرة , و بيع الحشيش المدعم فى السوق السوداء
جـ : ....... !!؟
سـ : هل لديك أقوال أخرى ؟

خلاصة القول :
1- لا تداونى بما كانت هى الداء
2- أنظر حولك

samir
6-2-2011

Share

midTerm 2 - Reinforced Concrete (2)

وش الورقة

1- Question 1 (75%)

أ - صمم سقف عشة الفراخ الموضحة بالشكل إذا علمت أن

- سعر الفرخة البلدى فى الجمعية 15 جنية
- سعر الفرخة البلدى مش فى الجمعية 25 جنية
- سعر الفرخة منتهية الصلاحية 35 جنيه
- المقاومة المميزة للخرسانة المسلحة مترددة بين 15 و 25 نيوتن/مللى متر مربع
- إجهاد الخضوع لحديد التسليح مزمزأ حبتين , معامل الزمزأه = 2.347
- مقاومة الخرسانة لأنفلونزا الفراخ 5 نيوتن/مللى متر مربع

ب - أعد التصميم مرة أخرى لحالة أن الولا إبن صاحبة العشة حب يطلع يبرطع فوق سطح العشة إذا علمت أن

- معامل برطعة الولا = 7 ريختر
- معامل هطل الولا = 114 شعلوب
- إذا علمت أنه غير مسموح بعمل سور لسقف العشة , اذكر الإجرائات المتبعة لضمان سقوط الولا من فوق العشة

2- Question 2 (25%)

أ - إرسم شكل التسليح للبلاطة الخرسانية الموضحة بالشكل التالى علما بأن

waffled beam slab ــ البلاطة مصممة على شكل
ــ البلاطة لسه مطبٌعتش على السكان
ــ البلاطة مواليد برج الجردل
- البلاطة إسمها حنفى
ــ البلاطة عليها كومبيالة بـ 150 جنيه

ب - وضح الأساليب المختلفة للخروج من مأزق الكومبيالة , أرفق إجابتك بما لا يقل عن 7 ثغرات مما تمت دراسته فى القانون المدنى

جـ - قام الإسكندر الأكبر ببناء مدينة الإسكندرية , عروس البحر الأبيض المتوسط , و تشطيبها لوكس عالمفتاح , أذكر إسم مقاول السيراميك و نوع السيراميك المستخدم فى التشطيب

1- Question 3 (20%)

أ - صمم السلالم الكهربائية لمحطة مترو الخلفاوى على أن تستوفى المواصفات التالية

- السلالم المتحركة من مادة الخرسانة المسلحة
- سرعة الصعود = 200 متر/ثانية
- سرعة الهبوط = 250 متر/ثانية
- إرتفاع السلمة = 1.5 متر
- عدد ساعات تشغيل السلالم = 0.5 ساعة سنويا

ب - صمم عربية بمب مولد النبى

إنتهت الأسئلة , بالتوفيق إن شاء الله

samir
12-12-2009

Share

midTerm 1 - Hydraulics

وش الورقة

ـ أجب عن جميع الأسئلة فى الورقتين , و إرفق الورقة التانية مع كراسة الإجابة , و عليا الطلاق لو مأرفقتش ورقتك و جيت عامللى فيها خضرا الشريفة و قلتلى الورقة ضاعت هشعلقك فى أقرب مروحة يا كلب

1- Question 1 (50%)

أ - فلوكة بمقدافين تسير فى النيل , قام الولا إبن صاحب الفلوكة بالبصق فى النيل أثناء سير الفلوكة بسرعة 5 متر/الثانية , إحسب مقدار التغير فى إرتفاع المياة و التغير فى درجة حرارتها نتيجة البصقة و إلطش الولا الصغير على قفاه علشان ميعملهاش تانى , علما بأن :
- الفلوكة بالحلوف اللى عليها تعمل بتاع طن , طن و نص
- الولا إسمه عطية
- درجة حرارة السمك فى المياة الضحلة 15 درجة سليزيوس
- درجة حرارة السمك المشوى 77 درجة (طازة و بيلعب )
- درجة حرارة سلاطة الطحينة 13.5 درجة

ب - فى فيلم حتة من الخوف , قامت فؤادة بفتح الريجولاتور اللى على الترعة علشان عتريس كان قاطع المياة عن أهل البلد و حالف محدش مستحمى فى سنتة السودا , أجب عن الأسئلة الآتيه
- من قائل عبارة ( من النهاردة مفيش حكومة .... أنا الحكومة) ـ
- إحسب إرتفاع المياة وراء الريجولاتور قبل و بعد فتح البوابة
- إحسب إرتفاع المياة أمام الريجوليتور أثناء لعب أهل البلد فى الترعة و بعد ما خلصوا لعب
- إحسب كمية المياة التى يحتاجها عتريس علشان يغرق البلد باللى فيها
- صمم الترعة التى تستوعب كمية المياة التى يحتاجها عتريس
- إحسب كمية البلهارسيا التى تستوعبها الترعة

جـ - خرطوم مياة بباشبورى مطافئ مركب على فتحتة , يستخدم لملئ جردل مستدير قطرة 0.5 متر , إرسم شكل الراجل اللى ماسك الخرطوم علما بأنه :
- أصلع
- قزعة
- ماسك سوجارة مارلبورو فى إيدة اليمين
- يضع وراء ودنة سوجارة مارلبورو
- فى بقة سوجارة مارلبورو
- يرتدى جلباب إسود مقلم يضع طرفه فى فمة
- يرتدى حذاء باتا مقاس 66

2- Question 2 (50%)

a - A trapezoidal cross section channel , carries a discharge of 4.5 m³/sec/m at a slope of 30 cm/km
- Would a hydraulic jump form at the end of the channel ?
- why ?
- convince the hydraulic jump to form
- force the hydraulic jump to form , Power Rangers hotline is permitted
- assassinate the hydraulic jump before it reaches kilo 45
- walk in the funeral of the hydraulic jump with remorse
- turn yourself in after the exam

b - sketch the relationship between the specific force and the specific energy diagrams for the case of hydraulic jump , showing whether this relationship is legal or 3orfi

c - derive an equation to describe the relation between width and depth of the best hydraulic trapezoidal cross section , estimate the purchase tax imposed on the section and the real estate tax
( taxes , masla7tak awalan)

غمض عنيك و إقلب الورقة , فيه سؤال كمان

ضهر الورقة

عليك واحد , هعاوعاوعاوعاااااااااااااااااو

samir
7-12-2009

Share