( ابو الهول ( الاسطوره

يا فتاح يا عليم

اصطبحنا على غيار الريق

منور يا سيدى ... نورك ولا نور الكوبانيه

.

انا هبدأ سريع سريع علشان مش ناقصه ظرف منى

او استهبال منك .... كلها حاجات لها تأثيرعويص

على علاقتنا الوطيده

.

الاول علشان المحتوى العلمى للبتاعه لازم ننتع شويه

كلام كده على ما قسم

.

على رأى الخواجات مبنى من sphinx ابو الهول او

و اتحول من مجرد محجر limestone الحجر الجيرى

لأكبر و اعظم بناء انسانى لفتره طويله جدا

ابو الهول مبنى على شكل اسد مرابض (هيا كده , مرابض

chefren هوا الملك خفرع او

.

و بيقولوا برضه انـ .. اقولك بس سيبنا من اللى فالوا و

عادوا .. هوا خفرع
و اتبنى فى عصر الدوله القديمه , تحديدا الاسره الرابعه

4th dynasty

.

ابو الهول مبنى بأقصى درجات الاحكام الانشائى و دى

واحده من مواصفاته الرائعه , يعنى اتبنى علشان يعيش

.

بعكس تماثيل تانيه زى تمثال زيوس اللى كانوا فرحانين

بيه فى اليونان , يا حرام مكملشى 60 سنه .... بعيد عن

السامعين يقولك جاله زلزال 2 ريختر قام رقد على طول

و ده اصلا علشان اليونانين كان يهمهم شكل التمثال و

حركته على حساب الهندسه ..... يا غيظى

.

ابو الهول نموذج مألوف من نماذج النحت القديم , وان

تنوعت اشكاله حسب المكان و الزمن ... بس برضه ابو هول

و ممكن نحصر اشكاله فى 3 اشكال رئيسيه

.

androsphinx: و ده اسد براس انسان

criosphinx: و ده براس كبش عدم المؤاخذه

heirocosphinx: و ده براس صقر

.

و كل حضاره اوجدتله قالب خاص ... و بكده بدأنا نشوف

ابو هول بجناح و ابو هول من غير جناح , و ابو هول

براس طائر و ابو هول ابو من غير راس طائر و حديثا

ابو الهول مكشكش و بفيونكه

.

بالنسبه بقى للموقع , ابو الهول موجود على هضبه

الهرم فى الجيزه غرب النبل , لكن حارس مصر بيبص

مباشره لأتجاه الشرق بدقه مدهشه جدا , و دى نقطه

تانيه من اعجازات تشييد ابو الهول الكتيره جدا

.

.

بص بقى يابا الحاج ... انا قلت اللى لازم يتقال ,عايز

رأيى بقى ؟ , سيبك من كل الهبل ده ... بلا وجع دماغ

يا راجل ... ناقصه هيا ؟
نيجى بقى للجزء المطلوب من الموضوع و هي

الجوانب اللى تقريبا مجهوله عن ابو الهول , و

هما كتار ما شاء الله ... العدد فى الليمون

.

ابو الهول الاغريقى

.

بص يا سيدى

ابو الهول عند المصريين غير عند الاغريق

خالص ... زمان فى اليونان ارتبط اسم

البطل Oedipus بأسم اوديب sphinx

الاغريقى صاحب الاسطوره الشهيره جدا

.... الشهيره

....جدا

احم ... نكمل

.

و اوديب ده فى حد ذاته حوار مخطط لا داعى

للخوض فيه دلوقتى يعنى ... محبكتشى

الوحش الاسطورى sphinx بحسب الاسطوره

كان قاعد فوق تل اسطورى عالى بيهاجم من فوقه

القوافل المسافره و كان بيسألهم سؤال اسطورى

برضه .... لو قدروا يجاوبوه يبقوا نفدوا بجلدهم

ولو مجاوبوش يقضى عليهم فورا
و من فضلك متسألنيش بيقضى عليهم ازاى ... دى

وحوش اسطوريه بتعرف تتصرف , و بالمناسبه

محدش حل السؤال ده خالص قبل كده

.

بصفته بقى ملك طيبه ( طيبه ؟؟ .. مش قلنا حوار مخطط ؟؟ ), اصر

اوديب على مواجه الوحش لوحده ... و بيقدر يحل

السؤال المعضل اللى بيوجهه الوحش ليه ... طبعا

.

السؤال كان ايه اللى بيبدأ اول النهار على 4 و فى

منتصف النهار على 2 و فى اخر النهار على 3 ؟؟

طبعا اجابته معروفه وممله بما فيه الكفايه

.

المهم يا سيدى اوديب قدر يحل السؤال و هنا كانت

النهايه الاسطوريه الوحش الاسطورى على يـــــــد

اوديب ... البطل الاسطورى

.

نهايه الوحش كمان كان فيها روايتين

.

الاولى ان الوحش رمى نفسه من فوق التل الاسطورى

و مات . بالاصح يعنى انتحر لما اوديب قدر يحل السؤال

التانيه ان الوحش اتحول لتمثال من حجر .... و ده

تفسير اغريقى سخيف لبناء ابو الهول

نسيبنا بقى شويه من الاجريج و دماغهم المسافره و

نرجع للجدو و الستو بتوعنا

.

انف ابو الهول

.

انف ابو الهول كانت منطقه غامضه فى حياه التمثال ... فى بدايات القرن

العشرين اتوجد سؤال محير .... فين انف ابو الهول ؟؟

و كالمعتاد طلع تفسيرين هنعرضهم حالا

.

التفسير الاول: ان اثناء الحمله الفرنسيه على مصر كان جنود نابوليون

فى صحرا الهرم بيتمرنوا على النشان بالمدافع .... و نتيجه طلقه مباشره

انتهى الانف الغالى من الوجود و التواجد

.

و دى المقوله الغلط اللى عارفها معظم الناس

.

التفسير التانى : و هوا مش تفسير لكن واقعه تاريخيه بيرويها المؤرخ

المصرىالمقريزى اللى عاش فى القرن الـ 14 الميلادى و اللى ذكر فى

مخطوطاته ان راجل صوفى اسمه محمد سعيد الدهر سنه 1387 لاحظ

ان الفلاحين المصريين بيقدموا ما يشبه القرابين للتمثال بهدف مباركه

محصولهم ... عنها و سعيد الدهرغضب جدا و طلع على راس التمثال و

راسه و الف سيف لا يكون مدشدشه و فعلا مسك فاسه و كسر الانف

.

تبا لك من صنم

.

الدفن

.

.

زى ما ذكرنا ان ابو الهول مبنى فى صحراء الهرم . و زى اى مكان

فى قلب الصحارى الرمليه , كان معرض دايما لخطر الدفن

.

الصحارى الرمليه فيها ظاهره حلوه قوى . ظاهره العواصف الرمليه

و حركه الكثبان الرمليه ..... طيب يعنى ايه قصد سعادتك يعنى من

العواطف الرمليه دىو حركه الكستبان الرمليه دى التانيه ؟؟

.

ببساطه يا سيدى

.

مع طبيعه الصحرا اللى كلها رمل , بديهى ان مع اى نسمه هوا الرمل

يتنقل من مكان للتانى , فما بالك بقى لما تقوم عاصفه من عواصف الصحرا ؟؟

فى مدن و قرى بتدفن بالكامل تحت الارض فى ليله واحده , و ابو الهول

فى عين العدو يعنى بقاله كام الف سنه ؟؟

.

ابوالهول قضى كتير من حياته تحت اكوام الرمال , و اللى احيانا كانت

بتغطيه بالكامل تقريبا , و مع ذلك كانت فى جهود مستمره لأحيائه كل فتره

.

خد عندك يا سيدى مثلا فى عصر الدوله الوسطى , كان الامير تحوتمس الرابع

مكوع شويه تحت راس ابو الهول ساعه القيلوله , و فى المنام حلم بان

ابو الهول بيطلب منه ازاله الرمل من عليه و وعده انه بعدها هيبقى ملك

الامير تحوتمس بعد ما صحى من النوم جرد حمله لازاله الرمل من حوالين

ابو الهول . و فعلا ينجح فى ازاله الرمال عن مخالب ابو الهول بعد رفع

اطنان من الرمال , و تخليدا للموقف اقام بين مخالب ابو الهول لوحه

ضخمه اسمها بوابه الحلم

.

.

كمان فى عهد ملكنا الحبوب رمسيس التانى قدر هوا كمان انه ينتشل

التمثال من تحت الرمال ..... الراجل كان بيقدم السبت

.

و اخيرا فى القرن الـ 19 قامت عمليات حفر و ازاله الرمال عن ابو الهول

و ابتدت سنه 1817 و انتهت نهائيا سنه 1925

.
ابو الهول 2

.
نظريه و كان لازم نعرضها ما دام بنتكلم عن ابو الهول ... شعارنا الرأى

و الرأى التانى

.

احنا ناس نحترم الديموقراطيه

.

صاحب النظريه هوا راجل بلدياتنا , هوا دكتور اثار لكن للاسف مش فاكر اسمه

دكتورنا اتكلم عن حاجه غريبه قوى .... قاللك احنا عندنا تمثالين ابوالهول

متشابهين تقريبا و فى نفس المنطقه الاثريه , اللى هيا منطقه الاهرامات

.

الدكتور بنى كلامه على فرضيه اساسيه و دليل مادى

.

الفرضيه كانت عباره عن ملاحظه لبوابه الحلم اللى هيا بين مخالب

ابو الهول 1 و اللى بتبين تمثالين لأبو الهول متجاورين

.

.

الدليل بقى و ده الجزء المدهش فى الموضوع , انه اتصل بالــ ناسا

و طلب منهم مساعدته, و جات تقارير المسح الجيولوجى من الوكاله

بتبين وجود كتله حجريه هايله بمنطقه الاهرامات , ابعادها تقريبا

نفس ابعاد ابو الهول , و مدفونه على مسافه 15 متر تقريبا من سطح

الارض

.

بس لحد ما الدكتور يعلن خطأ نظريته او يطلع فعلا تمثال تانى من تحت

الارض يفضل كلامه مجرد نظريه

.

فى الاخر احب اقول شكرا لحثن تعاونكم معنا و اللى اللقاء فى مقالات اخرى قادمه

.

استمسى بالخير

.

arni

29-11-2007

Share