1- ! عجبى

مساء الفل يا رداله

.

الكل ملاحظ طبعا ان الامتحانات قربت قوى و محدش

فاضى يعمل اى حاجه و ابتدينا بقى شغل الغرف المغلقه

و الكل واقف على رجل

.

عموما انا كمان يعنى مش واقع من قعر القله ولا لامؤاخذه

لقيط , بس مش هيبقى فيا دماغ اكتب حاجه و اظن محدش

هيبقى فيه دماغ يقرا اصلا

.

فهسيبك من هنا للأجازه مع صلاح جاهين

.

.

.

ضريح رخام فيه السعيد اندفن

و حفره فيها الشريد من غير كفن

مريت عليهم قلت ياللعجب

لاتنين ريحتهم لها نفس العفن

! عجبى

.

اقلع غماك يا تور و ارفض تلف

إكسر تروس الساقيه و اشتم و تف

قال: بس خطوه كمان .. وخطوه كمان

يا اوصل نهايه السكه , يا البير يجف

! عجبى

.

سهير ليالى و ياما لفيت و طفت

و ف ليله راجع فى الضلام قمت شفت

الخوف ... كأنه كلب سد الطريق

و كنت عاوز اقتله ... بس خفت

! عجبى

.

ماحد فى الدنيا واخد جزاته

ولا حد بيفكر غير فى لذاذاته

ما تعرفيش يا حبيبتى .. انا و انتى مين ؟

انتى عروس النيل ... و انا النيل بذاته

! عجبى

.

ليه يا حبيبتى مابيننا دايما سفر

ده البعد ذنب كبير لا يغتفر

ليه يا حبيبتى ما بيننا دايما بحور

اعدى بحر .. الاقى غيره انحفر

! عجبى

.
في يوم صحيت شاعر براحة و صفا
الهم زال والحزن راح و اختفي
خدني العجب و سألت روحي سؤال
أنا مت ؟ , و لا وصلت للفلسفة

! عجبى

.

يا حزين يا قمقم تحت بحر الضياع
حزين أنا زيك وإيه مستطاع
الحزن ما بقالهوش جلال يا جدع
الحزن زي البرد , زى الصداع

! عجبى

.

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا .. قوم نشوف نعمل ايه
قلت : يا ح تقتلنى يا ح اقتلك

! عجبى

.
إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت ... قام خطفها الشيطان

! عجبى

.
أنا اللي بالأمر المحال اغتــــــــــــوي
شفت القمر نطيت لفوق في الهوا
طلته ما طلتوش إيه انا يهمنى
ليه..ما دام بالنشوه قلبى ارتوى ؟

! عجبى

.

ايه رأيك ؟؟

اظن مش هتشوف دلع زى كده فى اى حته تانيه

عموما لسه الرباعيات كتيره و ان شاء الله هتعجبك

.

arrivedecci

arni

10/5/2007

Share