Wednesday, June 25, 2008

الساخر

اول ما الواحد بيفكر فى حكايه التدوين , و يبدأ ابليس الواطى يزغزغه فى
دماغه , الواحد يقوم واخد الشلوط المتردد الشده و الاتجاه المتين , و يفكر
نفسه بقى .... رفاعه الطلحاوى , مصطفى و على كمين , احمد رجبوللا
.
المهم يبدأ يكتب مواضيع هابله و متشرده عن الظلم البقسماطى فى عصر الشاى
بلبن و الامبرياليه فى توزيع حصص الهيروين فى دول العالم التالت , و اللذى منه
.
الحمد لله انا مش من القبيله دى
.
النوع التانى من المدونين هوا النوع اللى افخر بأننى من المتمحكين فى هذا النوع
من التدوين , و هوا التدوين اللذيذ ابو دم خفيف ..... الساخر يعنى
.
انا عن نفسى كقارئ , مبحبش ادخل مدونه الاقى واحد قاعد يحرق فى الحكومه
بتعاويذ يعاقب عليها القانون , و للا ادخل بلوج الاقى واحد بيكلمنى عن احلام بسلامته
المعذبه و اخر اشعاره - ربنا يحميه و يحميها - الى اخر التفاهات دى
.
انا كل اللى احبه فى المدونه على بلاطه اننى ادخل الاقى واحد بيكلمنى كده كلام من
الكلام الشعبى اللذيذ ده ابو ثكر عالوش , المدونات اللى ضارباها كاوشت من الاخر
من المدونات اللى احب دايما اقراها - ده غير مدونتى النوويه طبعا - مدونات زى
اخف دم - اشرف تلفيق
ميمو - مها الله اعلم الباقى
بجد جوز عيال فقر , دى المدونات اللى الواحد يبقى سعيد و هوا بيقراها , تحياتى
بجد مدونات تحفه , لازم تقراهم
.
مدونتى دى كانت اساسا فكره قوميه عندنا فى الكليه , لحد ما جه اليوم و قررت
اكسر القله المتينه على دماغ الشركاء الاعزاء و انفردت انا بالمدونه علشان تبقى
مدونتى الشخصيه
.


.
انا كنت باقول ايه يا ابنى الله يـ ........ افتكرت
كنت بتكلم عن اشرف تلفيق و مها , اشرف تلفيق بغض النظر عن حبى لكتاباته لكن
بحس انه واخد حفنه من الشلاليط الصعيدى فى نفسه , و اللى ثبت فى نفسيتى الاحساس
لـ اشرف تلفيق , و اللى بيتكلم فيه للمره الـ 50 مليون تقريبا post ده هوا اخر
ـ عين الحاسود فيها عامود ـ عن السرقات المتواليه لأبداعاته الاسطوريه و عن
ازاى الناس بتسرق اعماله و تنسبها لنفسها , و ناقص يحطلك كلب فى اول الصفحه
عشان اللى يوزه عقله يسرق اى حاجه , ياخد القرمه التمام
.
اولئك الاوغاد اللصوص


.
اما مها فانا مش شايف فيها اى عيب , طريقه كتابتها ممتعه و بتتكلم عن حياتها
الشخصيه بالنبره الساخره اللى متعودين عليها , اى نعم فى ناس بتتقمر على لغتها
الصفيقه لكن انا عن نفسى شايف انها حره فى مصطلحاتها
.
المشكله ان كل دول هيقزقزوا لب و ملبس لما انا - بسلامتى- يدخل مجال التدوين
.
اى نعم انا بقالى سنه فى مجال التدوين , لكن اعتقد البدايه جايه شويه كمان , و مين
عارف , مش ممكن تضرب معاك يا محمح و ترسى فى الاخر على رياسه جمهوريه ؟؟
.
مين عارف


.
استمسى بالخير يا بقلظ
.
arni
25-6-2008

6 commentat:

Anonymous said...

السلام عليكم
،،
وبلوجاية حضرتك هتبقى بجد من اجمد البلوجات الساخرة
،،
بس ،، ممكن لو عملت كاتيجوريز للتدوينات عشان تكون ارتب اكتر ؟؟

يعني مثلاً ، سياسي ،شخصي ، اجتماعي، تصميم .. كدة يعني

(Keep on Tuning)

BrB

arni said...

sosty

البلوجايه مش محتاجه تنظيم كاتيجوريز يا بنتى علشان تنتشر , الموضوع عايز منى شويه
لحلحله و اعلانات و كلام من ده
لكن بالنسبه لموضوع الترتيب انا فعلا بقالى اسبوعين عمال اصنف فى المواضيع و شويه و ارجع اعيد تصنيفهم و بعدين اقوم معدل التصنيفات و فى الاخر اراجع التصنيفات قد 14 الف مره و بعدين يتبقى امضاء اتنين سباكين يشهدوا ان البلوج سليمه مش بتخر

سلام

Anonymous said...

I'm back..

el blog kida %% b3d el tasneef

rabena yewfa2ak ^^

Anonymous said...

sorry I published my recent comment & forgot something..

U can make a text or an image banner on w-enter

with Ur credit ^^

for more info U can talk with Mr. Mazen

arni said...

sosty

فهمتينى غلط , يعنى انا مثلا هقعد اعمل اعلانات علشان الناس تدخل تقرا كتاباتى السخصيه ؟
بلا وجع دماغ , هوا حد فاضى للكلام ده ؟
انا عن نفسى لو لقيت واحد عامل اعلانات و سياح على مدونته كنت هقول عليه راجل شلحف
المدونات بس اعلاناتها بتكون عن طريق ان كل مدون يحط لينكات للمدونات الصديقه و دمتم
و اساسا رصيدى فى دبليو انتر ميكفيش حكايه الاعلان دى , انا راجل ماشى جوا الحيطه فى دبليو

merci ya benty
ciao

احمد said...

العبد لله : اى حاجه بس تكون جنب الشباك و النبى
العبد لله : طب و حياه والدك عايز احجز النهارده

من حلف بغير الله ...............
انتبة انتبة