الفصل الثانى
معركه النفس الاخير
حيث انك داخل على مرحله التخرج كمان كام سنه يبقى لازم تسمع نصايح عمك
فى كيفيه اداره المشاريع الهندسيه العويصه
.
مثلا يا سيدى خد عندك يا سيدى
موقع شغلك - بالصدفه - طلع جنب قهوه , و ما اكثر القهاوى فى المحروسه
و ضواحيها و على المقيمين خارجها مراعاه فروق التدخين
.
فين المشكله فى كده ؟؟
.
المشكله فى انك شغال مع عمال , عارف يعنى ايه عمال ؟؟
يعنى فئه من البنى ادمين كل موهبته فى الحياه هيا القوه العضليه فقط , و حيث انه
ما غالبا يصنف المهندس الى فئه ذوى الكروش او اصحاب الانيميا , فان هذا الفارق
غالبا ما يولد عند العامل احساس بالتفوق البيولوجى على حضرتك
بمجرد ما يبدأ الشغل بقى هتلاقى عمال الموقع كله بيتفرجوا عليك من على كراسى
القهوه , و اولهم طبعا - كبير الاوغاد - المقاول
.
فيه ايه يا جمال ؟ العمال مش بيشتغلوا ليه ؟ -
بنفطر يا باشمهندس , بسم الله معانا =
بقينا نفطر يعنى يا جمال , الله يرحم .... 10 دقايق و تحصلنى انت و العمال -
انت تأمر يا هندزه =
.
ده الكلام ده الساعه 8 الصبح , انت مكلف نفسك و صاحى بدرى و نازل من النجمه
رايح على الموقع و ييجو دول يضيعولك الوقت ..... طيب
.
الساعه 9
يا جمال بيه , ممكن بعد اذن سعادتك تيجى انت والعمال , كل ده بتفطروا ؟ -
الحمد لله يا باشا , بس العمال بيحبسوا بس الفطار , متقعد تاخدلك كوبايه شاى =
يا باشا ؟
ما تنجز يا عم القلقاسه , ورانا شغل متأخر -
جايين فى ديلك اهو يا باشا =
ديلى يا ........ ؟؟ -
.
الساعه 11
يا حاج جمال ... يا جمال باشا , ابوس رجلك تخلص انت و طقم الحلاليف اللى -
معاك , الساعه داخله على 12 و لسنا معملناش حاجه
حاضر يا باشمهندزنا يا عسل , بس العمال بس بيمارسو رياضه الصباح يا باشا =
هما 5 دقايق و نكون فى الموقع يا باشا
رياضه صباح يا جمال ؟؟ هيا الطاوله و الكوتشينه بقو رياضه يا ....... ؟؟ -
خمس دقايق يا باشا و يكون كل عامل فى مكانه , مسافه السكه يا باشا =
.
الساعه 1
يا جماااااااااال , ابوس رجل جنابك , هترفد على ايدين سعادتك , الشمس هتروح -
و معملناش حاجه
يا باشا ولا يهم جنابك , العمال بس يخلصوا فتره القيلوله و ننجز كل الشغل , دول =
عفاريت يا باشا ..... لا داعى للقلق يا باشا , دول كام عمود هيتصبوا و ييجى كام متر
خرسانه , ولا تشيل هم يا باشا
.
الساعه 5
يا باشمهندزنا يا عسل , الساعه بقت 5 =
منا عارف يا ( توووووت ) يا (توووووت ) يا سلاله الـ ( توووووت) , عايز ايه ؟؟ -
هى هى هى هيووو , الله يجازيك يا باشمهندسنا يا كماره , دمك هعييييو عيييو عسل =
لأ بس العمال عايزين اليوميه علشان يتوكلوا على الله
امشى من وشى عشان مقلبكشى ضفدعه برجل واحده , يوميه ايه يا تنابله يا (توت) ؟ -
يا باشا , اسمع كلامى ..... انا قلبى عليك =
امشى من خلقتى , زريبيووووووووووووو ( حذاء ذو رقبه يطير ليلتحم بوجه جمال ) ـ -
بقى كده ؟؟ , بس افتكر اننى حذرتك يا باشا =
يا رجاله , الباشمهندس بيقولكم مفيش يوميه النهارده و كل عام و انتم بصحه و سلامه
.
دووووووم
دوم دوووووووم
دووووووم دووووووم دووووووووم
( صوت متغير الشده و الاتجاه يدخل المشهد )
هوا مين ده اللى بيقول مفيش يوميه النهارده +
احنا عرقنا طول النهار يروح عالفاضى يعنى ؟؟ ++
انت ياض يا باشمهندس اللى بتقول مفيش يوميه ؟؟ +
( صاحبنا لسه عايش دور ابو رجل مسلوقه )
اه مفيش يوميه , و متقولشى ياض -
طيب تعالالى يا ابو كف رقيق و صغنن , بسم الله الله اكبر +
دش دش دش دش , بوووووف
تراتراتااااا , بووووم ( فيما يبدو , العمال استعانو بلمبه نيون على دماغ صاحبنا )ـ
طشش طشش طشش طشش ( صفعات متواليه ) زيووووووووووووو
وللا يا كامبا , شغل الخلاطه يلا +
لأ , الخلاطه لأ , الخلاطه لااااااااااااااااااااااااااااااااء -
وللا يا كامبا , ناولنى خرطوم المياه +
و ناولنى فى ايدك و انت جاى 2 متر ظلط و 5 شكاير اسمنت مغشوش ياض
وللا يا زوربا , زمن الخلط نص ساعه متواصله و بعدين هاتولى الزبون فى الريسيبشن
......
و بعد مرور ساعه الا ربع
......
فين ياض يا سحلكه الجوزه ؟؟ , حد يروح يشقر على سبع البرمبه اللى فى الخلاط +
الزبون قرب يشٌك ابتدائى يا معلم , تحب ناخدلك منه مكعبين تلاته ؟؟ ++
هاتهولى الاول , و هات معاك كام لوح علشان لو عصلج نعمله فورمه على مقاسه +
حراااااااااام , الرحمااااااااااه -
اهلا يا عم الشرز , باختصار كده ياض يا باشمهندز , عايزين اليوميه و الاوفر تايم +
و علشان لسانك الطويل هتدفع حق 10 شكاير اسمنت و ايجار الخلاطه لمده 5 سنين
نياع هاع .... هاع هاع ..... هعااااااااااااااااااااااااااو
(وهكذا كانت النهايه , حيث تم بروٌزته على باب المشروع لمده اسبوع فى الفورمه )
.
نهايه الفصل الثانى
.
arni
25-2-2008
0 commentat:
Post a Comment