Tuesday, April 10, 2007

schendler اوراق

التلات: 96 ساعه قبل السحب على المحرقه
.
النهارده كان يوم مش حافل قوى
material اليوم بدأ كالعاده بمحاضره الـ
دى من المواد اللى material على فكره الـ
بحب احضرها لله فى الله كده
.
دكتوره سناء من النوع اللى لما تقعد و تسمعها
يجيلك احساس بالفهم متعودتش عليه قبل كده
تحس انك قاعد تسمع ابله فضيله
.
المهم ابله فضيله بدأت المحاضره بمراجعه على
اللى فات و بعدين شرحت انواع quiz اسئله
الاسمنت .. كانت محاضره لذيذه
.
midterm بالمناسبه الاسمنت كله داخل فى الـ
ما عدا محاضره النهارده
.
اما محاضره الرياضه و الاحصا معرفتش عنهم
حاجه لأننى اخدتها من قصيرها و شديت عالبيت
.
الاربع : 72 ساعه قبل السحل الى المحرقه
.
الله على ام دى كليه احنا فيها ... ايه ده , مصنع جاتوه
ده يا اخواتى وللا شركه السكر ؟
كليه عثل عثل
.
قضينا سيكشن المساحه فى جدل شيق مع الحاج اكرم
.
م . اكرم: يا شباب انتوا دفعه عباقره بجد
نفر 1 : ربنا يخليك يا هندسه
نفر 2 : كرسى للباشمهندس هنا يا ابنى
م . اكرم: عارفين انتوا من الـ 500 بنى ادم فى الدفعه
هيطلع من سنه رابعه كام واحد ؟؟
نفر 2 : 550 ؟؟
م . اكرم : 25 فرد
نفر 3 : و الباقى اكيد هيكملوا دراسات عليا بقى
م . اكرم :حاجه زى كده .. بس نصيحه اشتغلوا كويس
لأن بجد الكليه دى عشٌريه و عندها كرم ضيافه هايل
م . اكرم : و كمان انت لسه فى سنه اولى و لسه قدامك
سنه تانيه اصعب كتير جدا
نفر 2 : طيب باشمهندس سؤال لو سمحت
م . اكرم : اتفضل
نفر 2 : ممكن حضرتك تحاسب على الكرسى و القهوه ؟؟
.
بعد كده جه معاد محاضره دكتوره امانى ... من امرح
الدكاتره اللى هتشوفهم فى التليه دى كلها
انا قلت تليه ؟؟
اسف ... فى الكليه دى كلها
يا متخلف يا ارنى
.
بصراحه معرفش برضه ايه اللى حصل فى المحاضره دى
لأنى محضرتهاش برضه ... اصلا دكتوره امانى خلصت
الجزء بتاعها من المنهج
.
على فكره اللى ممتحنش شفوى المساحه ممكن يروح يمتحن
يوم الحد و الاربع الجايين الساعه 11
bonus و يستحسن يكون معاك الكتاب لأن عليه 4 درجات
.
الاربع : برضه 72 ساعه قبل الرمى فى المحرقه
.
العيال كانوا بيقولوا فى الكليه ان النتيجه طلعت , لما نشوف
ouf ... لما نشوف , لما نشوف
دى طلعت بجد
يييييييييييييييييييييه ... ايه التقديرات الزفت دى , ربنا يخليك
لينا يا باشمهندس اكرم
طول عمرى اقول عليه ان كلامه ده حكم .... و اهو حصل
.
تخيل معايا كده قبل ما يخترعوا اختراع النتيجه اللى على النت
دى كان بيحصل ايه ؟؟
.
يطلع واحد عند مبنى اعدادى و يزعق بأعلى صوته
النتيجه اتعلقت فى مبنى مدنى
نفر 1 : فين ؟؟
نفر 2 : النتيجه طلعت ؟؟
نفر 3 : هجوووووووووووم
و تلاقى جيش بيجرى على مبنى مدنى و طبعا الجيش ميلاقيش
النتيجه متعلقه
.
و قبل الجيش ما يتسرح يطلع نفر تانى
النتيجه نزلت فى الملحااااااااااق
نفر 4 : الى الجهااااااااااااااااااد
درجن درجن درجن على الملحق و طبعا مفيش نتيجه اتعلقت
.
يقوم طالع واحد كمان و يزعق
النتيجه فى الكنترول يا شباااااااااااااااااااب
نفر 2 : انا جاااااااااااى
و يوصل الجيش للكنترول و طبعا يكون الكنترول مقفول
نفر 5 : مين ابن الدزمه اللى جال النتيجه طلعت
نفر 6 : بس متقولش دزمه يا ابن ابو نسناس
نفر 5 : هوا انت يا ابن المحروج ... طب خد


و ده موال كل يوم لحد ما النتيجه تتعلق
.
و طبعا يوم ما تتعلق يبدأ بقى الظرف و السنكحه من اول ما
تروح تقاتل عقبال ما توصل لكشفك علشان تكتشف ان فى نفر
ظريف مشخبطلك على نتيجتك
.
ده لو لقيت الكشف اصلا
لأن فيه ناس تعز تحتفظ بالكشف كتذكار للأيام الحلوه الماضيه
.
عالم تقرف
.
الخميس : 48 ساعه قبل الشد على المحرقه
.
مفيش جديد غير احاديث و حوارات النتيجه , مين جاب و مين شال
و مين مريح السنه دى ...... ويك ويك ويك
.
حاجه تقرف

arni
13/4/2007

1 commentat:

Anonymous said...

يا جدعان دول بيحضرواروح هتلر فى الكليه عندنا
أحد منكوبى النتيجة
أحمد حمدى