Saturday, February 27, 2010

midTerm 2 - Reinforced Concrete (2)

وش الورقة


1- Question 1 (75%)


أ - صمم سقف عشة الفراخ الموضحة بالشكل إذا علمت أن

- سعر الفرخة البلدى فى الجمعية 15 جنية
- سعر الفرخة البلدى مش فى الجمعية 25 جنية
- سعر الفرخة منتهية الصلاحية 35 جنيه
- المقاومة المميزة للخرسانة المسلحة مترددة بين 15 و 25 نيوتن/مللى متر مربع
- إجهاد الخضوع لحديد التسليح مزمزأ حبتين , معامل الزمزأه = 2.347
- مقاومة الخرسانة لأنفلونزا الفراخ 5 نيوتن/مللى متر مربع

ب - أعد التصميم مرة أخرى لحالة أن الولا إبن صاحبة العشة حب يطلع يبرطع فوق سطح العشة إذا علمت أن

- معامل برطعة الولا = 7 ريختر
- معامل هطل الولا = 114 شعلوب
- إذا علمت أنه غير مسموح بعمل سور لسقف العشة , اذكر الإجرائات المتبعة لضمان سقوط الولا من فوق العشة

2- Question 2 (25%)


أ - إرسم شكل التسليح للبلاطة الخرسانية الموضحة بالشكل التالى علما بأن

waffled beam slab ــ البلاطة مصممة على شكل
ــ البلاطة لسه مطبٌعتش على السكان
ــ البلاطة مواليد برج الجردل
- البلاطة إسمها حنفى
ــ البلاطة عليها كومبيالة بـ 150 جنيه

ب - وضح الأساليب المختلفة للخروج من مأزق الكومبيالة , أرفق إجابتك بما لا يقل عن 7 ثغرات مما تمت دراسته فى القانون المدنى

جـ - قام الإسكندر الأكبر ببناء مدينة الإسكندرية , عروس البحر الأبيض المتوسط , و تشطيبها لوكس عالمفتاح , أذكر إسم مقاول السيراميك و نوع السيراميك المستخدم فى التشطيب

1- Question 3 (20%)

أ - صمم السلالم الكهربائية لمحطة مترو الخلفاوى على أن تستوفى المواصفات التالية

- السلالم المتحركة من مادة الخرسانة المسلحة
- سرعة الصعود = 200 متر/ثانية
- سرعة الهبوط = 250 متر/ثانية
- إرتفاع السلمة = 1.5 متر
- عدد ساعات تشغيل السلالم = 0.5 ساعة سنويا

ب - صمم عربية بمب مولد النبى



إنتهت الأسئلة , بالتوفيق إن شاء الله

samir

12-12-2009

5 commentat:

Tarek said...

معامل برطعة الولا
ههههههههههههه جاااااااااااامد

Anonymous said...

wts the meaning of sha3lob ya bashmohands??:DD , nice work any way

Anonymous said...

أحب من هذا المنبر اسجل حقدي عليك انت وأمثالك من المبدعينن :D
عشان احنا نقعد ندرس في مواد أدبي سنتين وندخل الجامعة ندرس شعر وقصة وبلاغة اربع سنين وتدخلوا انتوا علمي وهندسة وللا طب وتطلعوا مبدعين برضه
جرررررررر
:D
اسجل اعجابي ومتابعتي لحضرتك يا باشمهندس من ييجي سنة لدلوقت :)

arni said...

@ Tarek
@ anonymous

ربنا يخلينا لبعض و يكتر من أمثالكم

@ faissl

ربنا يحفظك , و أنا أحب من هذا المنبر أحييك و أشجعك إنت و أمثالك من الدارسين الحقيقيين للأدب
لأن دلوقتى الكتابة بقت فى أحيان كثيرة مجرد مهنة , مش الكتابة الشخصية لكنها الكتابة الأدبية عموما و الكتابة الصحفية أحيانا
بجد هنستفاد من واحد زى محمد حسنين هيكل أو عبد الحميد جودة السحار أكتر ما هنستفيد من عشرطين كاتب نص بق

بالتوفيق إن شاء الله

Shift said...

ههههههههههههههههههههههه
انا حاسس انك علي ما تتخرج من الكليه دي هتكون اتجننت اكتر ما انت
Shift