عفاريت و قهاوى

اهداء

فى عالمنا نجد اخفاقات .... و اخفاقات

و من الممكن ان نواجه الفشل .... او الفشل ايضا

اما حياتنا فمليئه بمصائب .... و احيانا كوارث

فالطريق احيانا يكون صعبا .... و عاده مستحيلا

....

.

عفاريت و قهاوى

مقدمه

.

مساء القشطه

.

الناس دى يا اخى مبتسيبشى حد فى حاله ..... ـ
مجرد ما يسمعوا انك دخلت هندسه تبدأ تسمع كلام اهبل كده ولا ليه
اى لازمه
ولما تدخل مدنى هيبدأ الظرف بقى يشتغل , هتلاقى نفسك اتحولت
بقدره قادر من محمد الى ( شكاره - زلطه - مقطف - الخ .... ) ـ

: ..... و الهزار الغتت بقى يشتغل

يا جميل يا مكسح

يا عينى عالـ حلو لما تشرخه الايام

ما تجيب صبه ؟

.....
اه يا شعب عالمحاره

هذا العمل مقدم لاخوانى .... طلبه المدنى

يعنى الرجوله

يعنى الدماغ العاليه

يعنى اللعب فى وش الكبار

يعنى دفعه تلاميذ ابليس بالصلاه عالـ نبى

هذا العمل يتناول الظروف المعيشيه الروتينيه و التقنيه المستقله للانسان فى الطور

المدنى المستمر , او يمكنك ايضا ان تعتبره عمل ساخر يتناول الظروف المعيشيه

المنيله فى طور المهندس المدنى المتخرج

المؤلف

.

الفصل الاول

p و دحرج الـ g انسف الـ

.

؟؟ g تسألنى بقى يعنى ايه مهندس الـ , g تعالى نتفق على انك -الله اكبر - مهندس

سؤال ذكى , و انا احب الاسئله الذكيه

معظم دور المهندس المدنى فى الحياه هو التغلب على الاحمال , او الاوزان عامه مش

فارقه كتير , فى كل الفروع دى تعتبر مهمتك الاساسيه

.

مثلا ... انت المفروض بتعمل شغلانه ما يعلم بيها الا steel structures فى الـ

ربنا علشان تعمل لك حته كوبرى تعدى عليه العربيات فوق ترعه وللا بتاع

.

قاعد تعمل قرد طول السنه علشان فى الاخر يقوللك انقل شويه ... fluid او مثلا الـ

المياه دول من زير لبلاص ثم الى قله قناوى ذات خرمين فى قاعدتها

.

يقطع العلام وسنينه

.

جرب مره تفكر - بس من غير سجاير طبعا - انك اخدت مقاوله عماره سكنيه فى الفضاء

الخارجى , مثلا يا سيدى على سطح القمر

يا عمى انا بقول لك فكر , مجرد تفكير من باب الغتاته يعنى لا اكثر

ابتدى فكر بقى فى التنفيذ بس خد عندك ان الجاذبيه فوق بـ 6/1 قيمتها على كوكبنا

.

! يا مساء البطيخ

.

كل حاجه هتتقسم على 6 يا معلم

هتلاقى نفسك بدل ما تفحت اساسات بعمق 18 متر هتفحت 3 متر بس .. و البلاطه اللى

وزنها 60 طن هيكون وزنها 10 طن بس

تعالى بقى فكر - بس هات معاك سجاير و النبى - ان عجله الجاذبيه بتاعتك بقت بـ 0 ؟؟

النقطه دى يعنى صفر على فكره

.....

ايه الدلع ده كله

هتقعد تعمل حساباتك , و هتلاقى ان الدنيا بمبى بمبى و الحياه اكثر بياضا

وزن البلاطه ؟؟

بصفر طبعا

ابعاد العمدان ؟؟

مفيش عواميد و لا حديد تسليح و لا كلام فاضى من ده

احنا يا معلم نشد فتله رأسيه و نربط فيها كام بلاطه و نشعلق ما بينهم سلم و اقلب

.

ناقصه هيا وجع دماغ ؟؟

.

material ساعتها يا معلم , هعزمك على حفل شواء فى الخلاء , على نيران كتب الـ

structure و الـ

ساعتها ممكن تبنى اطولها عماره على عودين قصب .... هوا عود هيشيل العماره

والعود التانى هيكون على سبيل الامان لا اكثر

و بدل فواصل الطوب و وجع القلب ده , انصحك ترصص ورق كوتشينه على سبيل

الفواصل المعماريه

.....

كوتشينه و قصب , عشان يبقى الشئ لزوم الشىء

و ده كمان هيدى الساكن الاحساس بأنك موفرله جميع وسائل التسالى الممكنه

لو عايز يلعب الكوتشينه موجوده , و لو عايز يمصمص اهو القصب على قفا مين

يشيل

.....

كفايه كده بقى , ارجع بقى للحاضر الاليم قبل ما تضيع مننا

يا ابنى

يا كابتن

....

p دحرج الـ

؟؟ p ييجى شخص تانى يسأل ... يعنى ايه بقى يا ابو الكباتين ندحرج الـ

طول عمرى بكره الاسئله الذكيه و اصحايها

ربنا يمسيك بالخير يا عبد الرازق يا ابنى

.

المهم يا سيدى .. اللى قبلنا قالولك الوزن اللى متقدرشى ترفعه .. دحرجه

المثل ده عايزك تحطه حلقه فى ودنك طول عمرك

.

الفراعنه لما حبوا يرصوا حجاره الهرم جنب بعضها, تفتكر جابوا ونشين من شركه

المقاولون الفراعين ( عثمانـ - رع و شركاه ) ؟؟

.

تفتكر كمان العربيه اللى بتركبها و تسافر بيها جمصه , بتنقل وزن العربيه و وزن

الشنط المتكربسه فوقيها و وزنك و وزن الكوره الكاوشت اللى انت واخدها فى

حضنك طول السكه ازاى ؟؟

.

طيب ارجع بالدماغ للخلف

شويه كمان

افتكر ايام طفولتك الهندسيه

افتكر ايام اعدادى

شد اللحاف

.....

لما كنت بتزق جسم على سطح خشن , كان بيقاومك قوه احتكاك ناتجه عن وزنه

و معامل احتكاك سطح الزحلقه .. العجل بقى يا معلم هيا وسيلتك الجوهريه لتفادى

جزء كبير من الاحتكاك

.

مش مصدق ؟

دى اهانه على فكره يا ابو الكباتين بس انا هتجاهلها عشان خاطر الاناناس اللى بيننا

.

طيب جرب يا عم و على 10 جنيه و باكو معسل -بالاناناس برضه - لو طلع كلامى غلط

.

ادخل المطبخ , روح على التلاجه و حاول تجرها

لو تلاجتكم على عجل و الحاجه الوالده نسيت فرامل العجل بتاعه التلاجه , هتلاقى التلاجه

طلعت فى ايدك ولا كأنك ابو زيت الهلالى

جرب تجر التلاجه و هيا مش على عجل ... او حتى و هوا العجل متفرمل ؟؟

صدقت ؟؟

عموما العجل ده فى حد ذاته فكره عبقريه

فكره العجل بتتلخص فى ان العجله بتستهلك قوه الاحتكاك مع سطح الارض و تحولها

حوالين محور العجله فتقدر تمشى بالوزن بتاعك زى ما انت عايز torque لـ

.

من هنا تقدر تفسر نقل حجاره الهرم افقيا او نقل العربيات على عجل او .... الخ

.

نهايه الفصل الاول

.

arni

23-12-2007

Share