Saturday, June 20, 2009

الزعيم

يقول الحكيم إبن أبا سمره : الرجل من يسترجل وقتما يحتاج الأمر مرجله , و ينسحب
ــــــــــــــــــــــــــــــــــــــ ـــــــ وقتما يجد ألا داعى أبدا لوجود المرجله
و يقول كذلك إبن سميــــر : الرجل هو الكائن الخفى , الذى يظهر لك وقت الشده , ولا
ـــــــــــــــــــــــــــــــــــــــــــــــ تجده وقت الراحه
ونجد فى معلقة عنتره العبسى
:
يُخْبِـركِ مَنْ شَهَدَ الوَقيعَةَ أنَّنِـي .... أَغْشى الوَغَى وأَعِفُّ عِنْد المَغْنَـمِ

بمعنى أنه إسألى يا عبله اللى شافوا العركه , يقولولك إننى أقاتل بضراوه فى المعركه و أترك الغنائم لمن يريدها عن تعفف و زهد منى

البرنس
ـ

فى يوم من ذوات الأيام كنت أتسكع مع العيال فى الكليه بسمع منهم أحوال الدراسه

خالــد : هنعمل ايه فى مشروع التخطيط ؟
تغذيه : علينا و على أبو سمير العبقرى
خالــد : يا عم فكك منه ده حمار
سمير : أنا لسه هنا على فكره , ممشيتشى
خالــد : تفتكر ده هيخلينى أغير موقفى ؟ برضه حمار
بيكــو : المهم يا سمير تعرف تظبطنا فى مشروع التخطيط , المشروع طويل و مفيش
ـــــــــــ وقت علشان نقعد نعمله من أول و جديد
سمير : عندى المشروع اللى عملته السنه اللى فاتت , تاخدوه ؟ على فكره أنا أخدت
السنه اللى فاتت bonus ــــــــــ عليه

خالــد : قشطه يا برنس , بس تجيبهولنا إمتى ؟
سمير : أنا هجيب الملف بكره على فلاشه , و تقلبوا نفسكم فى بتاع عشرين لحلوح و
ــــــــــــ نروح نطبعه
خالــد : هييييه هيييييه , يعنى هنكون أول ناس تعمله فى الدفعه ,لأ لأ و كمان هناخد
هييييييييييه هييييييييييه bonus ـــــــــــ درجات
ـــــــــ : حبيبى يا أبو سمره
سمير : تفتكر ده هيغير موقفى ناحيتك ؟

و جبت الملف , و عملت رحله مرحه مع بيكو و طبعنا الملف و رجعنا الكليه , بمجرد ما وقفنا فى وسط الجبلايه و فتحت اللوحه أفرج خالد و تغذيه عليها , و الكليه كلها بقدرة قادر إتلمت حوالينا تتفرج , و ستميت واحد معرفهمش قعدوا يستجوبونى إزاى عملتها , المهم قفلنا اللوحه و سبنا الجبلايه و رحنا عند البيسين علشان أقعد أشرحلهم اللى فيها على رواقه علشان يعرفوا يشرحوها فى المناقشه

خالــد : يعنى دى خريطة الكركركى بتاع الخدمات فى المدينه ؟
الخدمات فى المدينه Hierarchy
سمير : أيوه يا خالد دى خريطة
خالــد : و دى خريطة إيه ؟
سمير : ده الشكل العام للمدينه
خالــد : و ده يفرق حاجه عن الكركركى ؟
سمير : آه يا خالد , ده بيوريك المدينه بتنقسم لكام حى و كل حى كام مجاوره
خالــد : تمام , و إيه السهم ده ؟
سمير : ده إتجاه الشمال , و اللى جنبه ده مقياس الرسم
خالــد : طيب ايه ده ؟
سمير : سبحان الله يا أخى , ما قلتلك ده تدرج الخدمات فى المدينه
خالــد : على فكره إنت كداب و أنا فقست كدبك , ده الكركركى بتاع المدينه مش تدرج
ـــــــــــ الخدمات فى المدينه يا كاويركى
سمير : !@##$^%$$ل^#~ت

يوم مناقشة الخريطه الصبح , رحت علشان أتفرج على العيال و هما بيسلموا المشروع و بيناقشوه , فى اليوم ده تغذيه مجاش و بيكو طلب منى أحضر بداله علشان المعيد ميديلوش صفر

سمير : فكك منى يا بيكو , أنا مبعرفش أكدب و هقر على كل حاجه مع أول قفا
بيكــو : متقلقش يا سمير , أنا هظبط المعيد بس إنت إشرح اللوحه بس

للأسف , إنتحلت شخصية تغذيه و دخلت على إننى تغذيه
و طبعا خالد وقف على راس المعيد علشان نشرح مشروعنا الأول , كان واثق من إن المشروع هياخد جايزة نوبل و عايز يتفشخر قدام كل العيال , المهم , أنا و خالد طلعنا على المنصه و بيكو واقف تحت جنب المعيد , و فردت اللوحه على السبوره و بقول بسم الله و هبدأ

سمير : دى بقى خريطة مدينة العبور , و زى ما إحنا شايفين الـ ...... ـ
المعيد (اللى إتضح إنه تامر) : عارفين أول غلطه عملتوها إيه ؟
سمير (فى سرى) : غلطة إيه إنت كمان , المشروع ده أنا مسلمه مرتين السنه اللى
ــــــــــــــــــــــــــــــــــ فاتت و أخدت عليه أنا و صحابى الدرجه النهائيه
سمير : خير حضرتك , غلطة إيه ؟
تامر : إنكم دخلتم على النت و سرقتم مشروع جاهز و كتبتم عليه إسمكم
سمير (فى سرى) : نعم يا دٌلعدى ؟
سمير (بغضب) : نعم ؟ المشروع ده انا اللى عامله , و مش ناقله من حتة
تامر ( بغضب ) : لأ ناقلينه , يا دوب غيرتم الأسامى بس
سمير (بزعيق و نرفزه) : يا سيدى بقول لك أنا اللى عامله , يعنى سارقه مثلا يعنى ؟
ـــــــــــــــــــــــــــــــــــــــــــــ و علشان ترتاح , أنا ممكن أوريك ملفات الشغل بتاعتى
تامر (بزعيق) : لأ المشروع ده مسروق , و اللى عمله واحد إسمه سمييررر
سمير (فى سرى) : أى , كبستنى يا مجرم
سمير : لا تعليق
تامر : أنتوا التلاته برٌه , و درجاتكم صفر إنتم التلاته

لما قال إن اللى عمله هوا سمير , رجعت تانى لأرض الواقع , كنت فاكر قصده إننى أنا سمير , سرقت اللوحه من واحد تانى , لكن إتضح إنه معجب مجهول و عارف سمير اللى عمل المشروع , و كان قصده إن أنا كتغذيه سرقت المشروع من سمير, يا دى النيله , يعنى من حظى الزباله يطلع تامر بالذات يطلع اللوحه و عارف إسمى الحقيقى , عرفه منين ده و النبى ؟

المشهد الأول : خالد وشه جاب ألوان الطيف و ركبه بدأت تلعب بلياردو من أول الزعيق
ــــــــــــــــــــــــ إشتغل و سابنى و نزل إندس وسط الطلبه , ولا كأن ليه علاقه بالموضوع
المشهد الثانى : بيكو بيتمرمغ من الضحك فى الأرض جنب المعيد لما سمع كلمة سمير
ــــــــــــــــــــــــ طالعه من بق المعيد , يمكن ضحكه ده خلى تامر يتزرزر عليا زياده
المشهد الثالث : مشهدى و أنا أتلقى كلمة سمير , بعد ما كنت بجعٌر و غضبان لإتهامى
ـــــــــــــــــــــــــ بالسرقه اللى معملتهاش , إتكتمت و محطيتشى منطق , كل اللى عملته
ـــــــــــــــــــــــــ
أخدت الكلمه زىالبوكس فى سنانى , و قعدت على المنصه أتأمل العيال
ــــــــــــــــــــــــ
تحت اللى قعدوا يتفرجواعلى كبستى القويه , ثم لفيت لميت اللوحه و
ــــــــــــــــــــــــ
نزلت من المنصه و أنا شعر راسى بيشيط من الغيظ

الدروس و العبر المستخلصه من الحكايه : ـ

1- إوعى و حسك عينك تنتحل شخصية واحد صاحبك و تدخل مكانه المناقشه
2- الشهره سلاح ذو كفين , كف يصقفلك , و كف يصفعك على قفاك


أنا يمين - بيكو شمال
راسه و ألف غرزه لازم نتصور فى اللحظه التذكاريه دى
اللحظه اللى عرفوا فيها حجمى فى السوق .. بلا وكسه



تغذيه يمين - بيكو شمال
لسه الجوز بيضحكوا , من ساعتين وهما بيضحكوا
حكوا الموقف ده للكليه كلها و أنا قاعد معاهم مفروس
من الكبسه اللى إتكبستها فوق

samir
20-6-2009

5 commentat:

zahra said...

m3lesh ba2a de daribet el naga7:D

arni said...

و لله الحمد الواحد جسمه بقى ملك و كتابه من كتر النجاحات , اللهم أدمها نعمه و
احفظها من الزوال , الحمد لله ولا حول ولا قوة إلا بالله , و إنا لله و إنا إليه راجعون

majed said...

أسمها الواحد بقي جسمة شيش بيش من كتر النجاحات
معلش بقي يا هندزة خيرها في غيرها

Anonymous said...

الله يخربيت فقرك انا كنت مهموم وانت تضحكتني وابعين انا الي مصور الصور دي

arni said...

majed

شكلك قديم فى النجاح , ربنا يكرمك و يزيدك نجاحات كمان و كمان

مشمش

يخرب بيت فقرك ؟
إنت جاى تعزى وللا جاى تهرج ؟
خلاص علشان مصور الصوره دى هتذلنى مثلا ؟
طيب ما إنت مصورها من تليفونى , يعنى بسلامتك كنت مجرد حامل كاميرا , زيك زى
حامل الفوطه بالظبط