من الاخر ماليش مزاج اكتب حاجه النهارده ... ماليش مزاج خالص
و الاحوال الحمد لله ولا اسوأو لا انيل من كده
.
يا خويا نتايج العيال عماله تطلع ورا بعض و كل شويه تسمع حاجات
غريبه
ناس عماله بتشيل فى مواد ولا كأنهم بيفرقوها عليهم
ناس بتتفصل من كلياتها
ناس لسه نتيجتها مطلعتش لحد دلوقتى
.
و كل شويه يطلعلك بنى ادم شبه عداد الكهربا يقولك
ـ الحقوا يا عيال ... الواد بعبع فى الضلمه نتيجته طلعت و شال 8 مواد
ـ سمعت اللى حصل ؟؟ ... نتيجه اداب طلعت و الواد ميكى و مودى شالوا
السنه دى كمان و اتفصلوا
ـ الحق ياد ... نتيجه حقوق طلعت و الواد بقليله عنده 4 مواد رايحين النار
.
و كان اخر منزع فى قوس الصبر بيسلم نمر يوم ما نتيجه اعدادى طلعت
.
يا لهوى
ايه النتيجه دى ؟؟
تلات ارباع العيال شايله انتاج
و نص العيال شايل فيزيا او رياضه او الاتنين
لأ بقى
و اللى كان ناقص ان نتيجتنا تتأخر بالمنظر ده ... لأ و كمان النتايج اللى زى
الزفت اللى عماله تتحدف يمين و شمال ؟؟
.
اللى كل واحد عارف كويس هوا mid terms طبعا مش هجيب سيره الـ
مستواه ايه و هيعمل فيها ايه
لأ بقى دى مقصوده
طيب عليا الطلاق منا كاتب حاجه الاسبوع ده
هيا ناقصه ؟؟
.
arni
4-5-2007
4 commentat:
انت جامد جداً و اللذيذ اللى فيك انك بتتريق على كل حاجه وبتاخد كل حاجة بهزار و عايز اشكرك على البلوج با جامد و ان شاء الله تلاقى اللينك بتاعه فى اللينكات بتاعتنا على الجروب و هى دى الناس اللى بتزود الدفعه قوة
الف شكر على كلامك الذى اثلج عفشه
صدرى
بس هوا فى حاجتين
اول هام يا سيدى اننى فعلا حطيت اللينك فى الجروب بتاعه الدفعه
تانى هام كنت تكتب اسمك يا راجل تحت
التعليق و السيكشن و رقمك فى السيكشن
و تاريخ ميلادك و تاريخ كتابتك للتعليق و لو عندك اهداء كان ممكن
تحطه اسفل الصفحه
قشطه .. بقى انا بدى للدفعه باور ؟؟
ده انا عفريت بقى و مكنتش واخد بالى
ههههههههههههههههه
جاااااامد وربناا
ربنا يوفقك ويوفق دفعتك كلها
ومستنين بقى غسيلك الجااى
زلامووووووز
يا سيدى ادى اسمى
أحمد حمدى حسين
سكشن واحد
رقم23
مولايد سته الصبح بعد العشا
Post a Comment