بسم الله ما شاء الله
ياخويا الدفعه عماله تكبر و تتوسع
ناس جديده بتظهر و ناس من المؤسسين بيختفوا متعرفشى بيروحو (اللهم احفظنا) فين
و سبحان الله يا جدع , يقولك فى 200 واحد ساقطين و اولى مدنى تنسيقها اترفع
عموما الواحد مبقاش عارف ينيل ولا يتنيل
دى حاجه تقرف
.
صراع العمالقه
.
سيبك من حقيقه ان دفعتنا هيا اجمد دفعه عدت على قسم مدنى ييجى من ايام
الباشمهندس امنحتب , انما اهم مصادر الجمدان هيا ان بعض الطلبه مكتفتش
بالهندسه بس كمصدر رزق او هدف فى الحياه , لكن باين كده ان التجاره كانت
موهبه قديمه عندهم و لقوا نفسهم فى تجاره الورق و الملازم فى الكليه
.
بسم الله ما شاء الله و لا قوه الا بالله و الله اكبر مش هتلاقى فى اى دفعه تانيه
شخص زى صالح اللى يجيبلك المحاضرات لحد باب المدرج , او غزالى اللى
يبتسم فى وشك و هوا بياخد حق الورق , و طبعا مكنتش هتلاقى واحد فى
وسامه توفيق و هو جاى يبلغك ان الباشمهندس سحلكه هيعمل حصه مراجعه
يوم الخميس الساعه 10 فى سنتر كلاكسى
.
قول الحق
.
بالشيتات بتاعتها لحد fluid من غيرهم كنت هتلاقى مين يجيبلك محاضرات الـ
لحد باب المحاضره , ولا كتاب الجيولوجيا اللى وقفوا تصنيعه من سنه 35 ولا
ملازم الجمل اللى ليها شعبيه جامده جدا فى انحاء الدفعه
.
عموما كلنا جربنا الورق و كتير مننا جربوا الدروس بس فى الاخر العمليه بتتقضى
اى نعم انا مجربتش الدروس بس من اللى بشوفه ان سوقها ماشى تمام فى اولى
لسه بقى هنشوف تانيه نظامها ايه
.
Mr:who
.
حد فى سيكشن 8 ؟؟
فى سيكشن المساحه بتاع who لو انت فى سيكشن 8 يبقى اكيد شفت باشمهندس
يوم الاتنين التالته
.
mr who ليه بقى بقول عليه
.
ببساطه لأنى معرفشى اسمه , خرجت من السيكشن اسأل الناس على اسمه لكن
محدش كان عارفه
.
على حسب اللى سمعته فهو لسه متخرج السنه اللى فاتت -2006 بلا قافيه - و ده
اول ترم بالنسبه له , صراحه انا شايف ان اداؤه كان فاشل جدا فى اول احتكاك ليه
مع الطلبه , و زياده فى الصراحه انا عديت عليه كام غلطه كده فى الصميم
.
مثلا يا سيدى دخل و معرٌفشى نفسه و لا عرٌفنا بنظامه ولا اى حاجه
ثانيا شرحه كان كله من الورق , و كأنه يا دوب بيقرا المقرر من الورق , و دى غلطه
presentation delivering فى الـ techical language حذرونا منها فى الـ
كمان فى اخر السيكشن قعد يسأل على الساعه كتير , و دى بتبين مدى توتره و قلقه
اللى مقدرشى يتغلب عليهم او يخبيهم
.
سيبك بقى من انه جه فى اخر 10 دقايق و قال ان الوقت مش هيكفى نحل المسأله و
قام ممشينا
!! انت كده بصراحه هتبدأ تتلكك
.
بس مش حرام طيب كده ؟
مش كفايه مبفهمشى فى المحاضره ؟؟
دى جيوديسيا يا عالم
.
عموما رحم الله امرئ اهدى الى عيوبى
و يا بخت مين بكانى و بكى عليا , ولا ضحكنيش و ضحك الناس عليا
.
اخيرا
.
كان نفسى اثرثر كتير النهارده بس يلا بقى , كفايه الاسبوع ده لأن الواحد مش طايق نفسه
arni
6-10-2007
0 commentat:
Post a Comment