Thursday, September 3, 2009

نشرة أخبار أبو سمير .... العواف

سلام عليكم

رمضان مبارك يا رجالة , مع نشرة الأخبار

من كام يوم , خدمة لذيذة و بنت حلال twitter من أخبارى المحلية أنا سجلت على
قصيرة برضة عنك status مختصرة لأصحابك و أصحابك بيشوفوا status بتشوف
كل ما تستجدلك حاجة , بس لسة مش بستخدمها قوى , أنا أصلا مش بتاع رغى , لكن
فعلا الخدمة لذيذة

من أخبارى المحلية أيضا إننى مهتم اليومين دول بالتصميم , من ناحية بلعب بأدواتى
deviantart.com اللى قربت تحمض , و من الناحية التانية بشغل صفحتى على
عن شخصياتى الكارتونية اللى رسمتها لحد poster : [Them ..] آخر تصميم كان
comics دلوقتى , و ربنا يرضى عنى و أتوسع في الرسوم المتحركة , و قصص الـ

المجال ده ممتع جدا , بس محتاج منى دفعة كبيرة



لكاتب ممتع [ taxi : من أنبائى المحلية بقى , قرأت إمبارح كتاب [ حواديت المشاوير
إسمه خالد الخميسى , الكتاب صدرت طبعته الأولى فى 2006 و النسخة اللى قرأتها
إصدار سنة 2008 الطبعة الـ 15 , الكتاب منتشر جدا , المقدمة كتبها خالد الخميسى
مع مقدمتين أخرتين منشورين فى آخر الكتاب , واحدة بقلم د : جلال أمين , و التانية
للمفكر الراحل الكبير جدا د : عبد الوهاب المسيرى , الكتاب مش مجرد تفاهات من اللى
أنا و أمثالى بنكتبها و بتتنشر فى ( مدونات مصرية للجيب ) , لأ ... الكتاب فعلا رائع

من أخبارى المحلية أيضا , كنت بقضى مصلحة فى البنك - المصرف بالعربية الفصحى
لكنى عندى عقدة قديمة من الترع و المصارف و قنوات الرى فأتحاشاها دائما - و واقف
و دى يعنى الصراف الآلى للإخوة رعاة atm فى أمان الله زى أى مواطن واقف قدام
إحنا ناس مثقفة automated teller machine الجهل و عديمى اللغة ,إختصار
المهم واقف فى أمان الله و الماكينة متعطلة و الدنيا صيام و الشمس فوق دماغى و تمام
التمام الحمد لله - بالمناسبة البنك جنب محكمة حلوان - المهم فى عز إندماجى مع غيرى
من البشر فى أحوال مصر و الماكينات المتعطلة و وقف الحال , طلع عليا بنى آدم من اللامكان علشان يخرجنى من إندماجى

الأخ : من فضلك يا كابتن لو سمحت
أنـــا : أأمر حضرتك , أى خدمة
الأخ : معلش أستأذنك 5 دقايق من وقتك بس
أنـــا : رقبتى يا عمدة , خير إن شاء الله
الأخ : هتيجى بس تشهد معانا فى المحكمة
أنـــا : أشهد أن لا إله إلا الله ؟
الأخ : لأ
أنـــا : أشهد على كتب كتاب ؟
الأخ : لأ , هتشهد معانا بس فى إعلام وراثة
أنـــا : لا و النبى ؟
الأخ : آه و الله , قلت إيه ؟

الفكرة فى إعلامات الوراثة إن الورثة بيقفوا أمام القاضى و بيحضر 2 شهود على علاقة بأسرة المتوفى , القاضى بيطلب من الشهود يحلفوا اليمين و يشهدوا بإن اللى واقفين أمامه هم ورثة المرحوم , و كل شاهد بيقول أسامى الورثة واحد واحد قدام القاضى , دى مش بسيطة زى الأخ ما بيصورها ... [ هتشهد فى إعلام وراثة يا كابتن ]
العملية دى خطيرة جدا , أنا ممكن أحرم وريث حقة , أو أساعد مجرم فى نهب حق يتيم مثلا , فضلا عن أن الشهادة الزور و اليمين فى أهون الحالات يرموا الواحد فى مصنع الحديد و الصلب اللى فى جهنم , و كمان فى رمضان , ده حتى الـ ....... ـ

الأخ : دول هما 5 دقايق يا كابتن مش هيكملوا

هوا مصر على قصقصة أحبال غسيل أفكارى , أفكارى كدة مش هتلحق تنشف

أنـــا : لا و الله ما كانشى ينعز , أنا أصلى مستنى الماكينة تفتح
الأخ : لا لا متقلقش مش هعطلك كتير يا كابتن , 5 دقايق بس
أنـــا : ياااااااااه , تصدق نسيت بطاقتى فى جيب العربية ؟
الأخ : جيب العربية ؟
أنـــا : جيب العربية برضة ؟ قصدى نسيت البطاقة فى محفظة الشقة ... و خليك مفتح
الأخ ( مبرطما ) : شكرا يا بختشتخبخشـ .... ـ

و من أخبارنا المحلية أيضا , فاز فريق شارعنا على فريق الشارع اللى ورانا فى مباراة إفتتاح الأسبوع الثانى من دورى الشوارع لكرة القدم , التى شهدت حضور جماهيرى من شارعنا و الشوارع اللى حوالينا , و إضطر الحكم لإحتساب 15 كارت أحمر فى المباراة لفريق الضيوف , حيث قام الحكم بطرد الـ 11 لاعب و ثلاثة من البدلاء و مدرب الفريق بعد تعدى أحد جماهيرهم على الحكم بفردة شبشب إحتجاجا على ركلة الجزاء الـ 37 فى المباراة , و أكمل الفريق الضيف المباراة بدون أى لاعبين أو جهاز فنى , و بذلك إنتهت المباراة بفوز فريقنا 1 - 0 , ألف مبروك يا أبطال

أما من أخبار الطقس , فالطقس الليلة لطيف , مع بعض النسمات العليلة اللى ترد الروح مع إحتمال سقوط أطفال من الشبابيك

سلام عليكم

samir
12-7-2009

2 commentat:

إسراء الطويل said...

:D :D
ههههههههههههه
دا ايه عم الحاج اللي خيالو واسع دا وعايز شاهد كدا
..
:D لأا قريب هتوقع نشره اخبار سيد ابو حفيظه ان شاء الله

arni said...

SostyPasha

الأفلام بوظت عقول البشر , فى الأفلام البطل بينزل من على القهوة يجيب 2 شهود
علشان يكتب على مرفت أمين فى مكتب المأذون , و فى الآخر جوز الشهود بياخدة منه
الشاى بتاعهم , ولا كأنهم كانوا بيمسحوله العربية

نشرة سيد أبو مريلة و سيد أبو حظيظة دى تفاهات , محمد سمير ليميتيد

نورتينا يا بنتى