Tuesday, April 7, 2009

Quadro

الفتره اللى فاتت كانت قريحتى بعافيه شويه , و مازالت بعافيه شويه برضه بس أنا بقول أن المدونه هى مكان بتنشر فيه نفسك علشان الناس تشوفك و تاخد فكره و يمكن تشترى بكره , قلت يبقى أكتب شويه عن إهتمامى بالتصميم

مش هكتب كتير , أنا بس كنت عملت أداه بسيطه مفيده و حلوه و بنت حلال , الأداه دى بتحل المعادلات من الدرجه التانيه فى مجهول واحد , برنامج بسيط بس مفيد جدا فى حاله إنك بتحل مسائل كتير و بتواجهك مشكله حل المعادلات التربيعيه , أنا عن نفسى كنت بذاكر أول إمبارح و كل خمس دقايق تطلعلى معادله تربيعيه عايزه تتحل , فسبت المذاكره و قعدت كتبت الأداه الحلوه دى

طريقه إستخدامها بسيطه جدا , لو عندك معادله على الشكل
ax^2 + bx + c = 0
فى خاناتهم على الشمال , كل ثابت بإشارته سواء موجبه أو سالبه a,b,c ببساطه , حط الثوابت
فى الخانات على اليمين x1,x2 و بعدين تدوس على علامه الـ = هتلاقى قيم الـ

مثلا
x^2 - 8x +15 = 0
a=1
, b=-8 , c=15
هتلاقى ان حل المعادله دى هو
x1=5 , x2=3
مثلا برضه
x^2-4 = 0
a=1 , b=0 , c=-4
الحل
x1=2 , x2=-2

actionscript 2.0 بلغه البرمجه adobe flash الأداه دى إتعملت بالـ
solving quadratic equations : solution by quadratic formula


و السلام حمام

arni
7-4-2009

2 commentat:

Sosty said...

السلام عليكم :)
ما شاء الله يا باشا شغل جميل اوي .. انا مش بفتش الفلاش خالص بس حبيت اشكرك بردو عليها :D :D
بالتوفيق يا رب

arni said...

SostyPahsa

الغرض بس أننى عملت أداه ممكن أى حد يحتاج يستعملها زى ما أنا كنت محتاجها , الويب
مليان أدوات بسيطه زى دى , على سبيل المثال أدوات تحويل الوحدات , مفيده جدا و بحتاجها
كتير , و فى موقع سياحى فاخر أنا عارفه كويس بحول من عليه وحداتى , و فى موقع تانى فيه
أداه زى بتاعتى كده بتحل المعادلات التربيعيه لكن عيبهم كلهم أن كل الأدوات دى متصممه
بلغات تصميم المواقع غالبا , فمش حلوه
زى الأداه اللى بتتعمل بالفلاش

عموما حاجه حلوه إننى أعمل شويه الأدوات دى بالفلاش , هتبقى مفيده جدا و اخر حلاوه

و طبعا الشكر موصول ليكى و لهانى و مصطفى البقال و حيحا بائع القرص و الشاى المغلى
و ستامونى بتاع البومبونى , كلهم ساعدونى جدا و من غيرهم لم يكن لهذا العمل أن يخرج للنور

سلام عليكم