Thursday, April 26, 2007

وسع للباشمهندس

مساء القشطه
يا خويا تيجى تكلم الواد من دول يقولك ان الباشمهندس كذا و انا المهندسه كيت
و ويك ويك ويك
eng_koko او eng_memo كلها عباره عن e-mails و تلاقى الـ
يا فرحتى
الموضوع ده بقى الصراحه شاللنى و مزهقنى فى عيشتى و لازم نتناقش فيه
و نوضعله حل جذرى و حازم
.
طيب على ايه يعنى كل ده ؟؟
اول هام دى رسمه على الفاضى يا معلم ... انت لسه طالب هندسه و يا عالم
بقى هتبقى ولا مش هتبقى
.
يدينا و يديك طوله العمر يا سيدى بس محدش ضامن حاجه اصلا فى الحياه الغريبه دى
و معظمهم بيبقى من اول يوم فى اعدادى رافع مناخيره فى السما بطريقه تغيظ اصلا
.
تانى هام يابا العمده انت لا تفقه شيء فى اى حاجه ... و هتحط نفسك فى مواقف
بايخه مع مجموعه من اشباه البنى ادمين
مش مصدقنى ؟؟
حاضر ... هثبتلك و اقنعك
الموقف ده بطوله واحد صاحبى بدون ذكر اسماء يعنى .. اسمه احمد

احمد بيه كان عايش فى دور الديك ابو زلومه من ساعه ما البيه دخل اعدادى

و فى يوم من الايام جيران الباشمهندس احمد لقوا الغساله بتاعتهم بتكهرب طيب و العمل ؟؟
لا داعى للقلق بطاطا ... الباشمهندس احمد موجود
ترررن ترررن

عبده ابن الجيران : و النبى يا طانطو ام احمد اندهيلنا الباشمهندس علشان فى حاله مستعجله
طبعا طانت ام احمد اتلطشت شلوط مجترم فى نفسها و قالت
ام احمد : خير ان شاء الله ... هصحيلكوا الباشمهندس فورا ... متقلقوش

و دخلت تصحى الباشمهندس فخر العيله علشان
ام احمد: قوم بسرعه ... فى حاله طارئه

وطبعا الباشمهندس ساعتها بمنتهى الخبره و الحنكه و الاهتمام فتح عينيه و
قال الجمله العتيده
احمد : قوليلهم يتطمنوا ... انا جاى حالا
الواد قام ناطر نفسه من فوق السرير و هوا خلاص بقى دخل فى شخصيه
مازنجر و سحب البنطلون و التى شيرت من تحت المرتبه و نط فى الشبشب
الزنوبه و جرى خطفله مفكين من المطبخ و جاب الشنطه السامسونايت بتاعه
ابوه و حطهم فيها و جرى على بيت الجيران
تراك تراك
تراك تراك
تراك تراك
تراك تراك

(طرقعه شبشب احمد المهرول الى بيت الجيران )

و بمنتهى الادب
دب دب دب دب
احمد : افتحوا الباب
افتح يا عم سعيد ... طانطو ام عبده
يا لهوى ... ماتوا ... ماتوا
زييييييييييييييييييييييييييييييييييييييييييييييييييييييييييىء
عم سعيد: ايه .... ابوك عملها و طلق الحاجه ؟؟
احمد : فين الغساله يا ظريف العماره
عم سعيد: ام مديحه ؟؟ ... ماتت الشهر اللى فات
احمد: عم سعيد مش عايز اعملها معاك ... الغساله الكهربا
عم سعيد: انهو غساله ؟؟
احمد: انت حيلتك غيرها ؟؟
عم سعيد: يعنى هتكون فين يا عبيط اخواتك ... اهى متلقحه فى الحمام
احمد: طيب اخلوا الحمااااااااااااااام .... انا جاااااااى
(زيوووووووووووووووو )
البيه احمد نط فصل محول الكهربا
عم سعيد: ايه اللى عملته ده ؟؟
احمد : و النبى اتركن انت فى جنب يا عم سعيد ... كنت هتودىنفسك و
عيالك فى شوربه مياه بس ربنا ستر ... شيل الشنطه دى و تعالى ورايا
.
الاتنين فضلوا ماشيين ورا بعض فى الشقه و مقضينها تحسيس لحد ما
لقوا الحمام
.
عم سعيد: هوا ده بقى الحمام ؟؟
احمد: امال يعنى سوق الخضار ؟؟
عم سعيد: اصل بيتهيألى ان دى اوضه ...... ـ
.
طراخ بووووم دشششش ... زيوووووووو
ام عبده: اطلع بره يا ابن مرات الغراب
.
و بعد تحسيس طويل اخر وصلوا للحمام
عم سعيد: طيب هتشوف الغساله ازاى دلوقتى
احمد: ميهمكش .... معايا كشاف
عم سعيد: يا اهبل يا ابن الـ .... ـ
احمد: بطل قباحه و ورينى الغساله بتكهرب من انهو حته بالظبط
عم سعيد: بيتهيألى من هنا ... بس انا كنت ناوى اغطى الـ ....ـ
احمد: هنفتى بقى يا عم سعيد ؟؟ انت اصلك مخدتش كهربيه و غشيم متعرفش
.
زييييييك .... زييييك ... زيييييك ... زيييييييك
الباشمهندس احمد فك جسم الغساله و طلع الموتور بره
......عم سعيد: بس اصل هوا انا
زييييييك ..... زييييك .... زيييييييك .... زيييييييك
.....عم سعيد: ...... كنت بقول اننى يعنى
الموتور بدأ ينقسم لأجزا اصغر فأصغر فـ ....ـ
عم سعيد: ....اننى يعنى اغطى الجزء اللى بيكهرب بـ .....ـ
وييييييك ..... وييييك .... وييييك .... ويييييييك
.
الموتور اتركب فى بعضه تانى بس مع بعض التعديلات الجوهريه , الباشمهندس استغنى
عن الملف و شويه اسلاك و مسامير و مروحه الغساله , على حسب كلامه كانت كلها حاجات
احمد: ولا ليها اى لازمه .... فلوس على الفاضى
عم سعيد: .... اغطى الجزء اللى بيكهرب بعازل
احمد: عازل ؟؟.. هاعاوعاوعاوعاوعاااااااااااااو و النبى انت على نياتك يا عم سعيد
اجرى بس انت شغل الكهربا علشان نجرب الغساله
عم سعيد : حاضر يا باشمهندس ... صحيح يا ولاد العلام حلو
(زووويييييييوووووووووو)
عم سعيد رجع الكهربا و لسه راجع على الحمام
احمد: يا دهوتييييييييييييييييييييييييييييييييييييييييييييييييييييييى
(بووووووووووووووووووووووووووف)
و هكذا ... كانت نهايه شعر الباشمهندس احمد الى الابد و حسب كلام الدكتور هيعيش
بقيه حياته احول و هيفقد القدره على ارتداء الاحذيه الكاوشت بسبب عرج فى اصابع
القدم الشمال

لو كنت بتشوف الاشكال دى يبقى ربنا يعينك و يصبرك , اما بقى لو كنت انت اللى

بالمنظر ده فأنصحك تفكر كويس فى اسلوبك و تقيم نفسك من اول و جديد
.
ثم ان مش ده بس اللى يغيظ
ما انت لما تروح النقابه بعد عمر طويل ان شاء الله هيدفعوك 45 قرش تقريبا نظير
استخدامك للقب مهندس
.
بلا وكسه
دى حاجه تقرف
arni
26/4/2007

4 commentat:

Anonymous said...

جامد جداً بس باظت منك من بعد احمد ما راح البيت

أحمد حمدى

Anonymous said...

هههههههههههههههه
مفيش موضوع اقرهولك ومضحكش مرة يا اخي
بس تمام
one of people

Anonymous said...

شديد يا معلم
تعيش وتقووووول
صديقكـ شفـــه

stockdove said...

ايه الجموديه دى مش عايزين الامتحانات تشغلك عنا