عالم بورشام بورشام

مصر متشقلبه رأسا على عقب .... مصر بجلاله قدرها ضاربه شقلباظ ولا شقلباظات

سيرك مولد سيدى البراغيتى

مصر يا ولاد , مصر

........ مصر

مصر النيل

مصر الاهرامات

مصر احمد حلمى

مصر الكيت كات

....... مصر يا رأفت

.

القصه و ما فيها ان بسلامتهم الجيل الجديد ( ابو فتله ) مش عارفين يغشوا فى

الامتحانات و كانت النتيجه ان البلد قايمه حريقه دلوقتى , استجوابات فى مجلس

الشعب و التليفزيون موراهوش سيره غير تسليك الامتحانات , و التخميس فى

ورق الاسئله

.....

و ماله يعنى ؟؟

جديده ؟

على ايامنا احنا ( شباب الجيل المخربش ) كان الغش فى ثانوى يقوم على اسس

و قواعد , كان الغش فن و اخلاق و تعاون

.

لجنه 1 ثانويه عامه - امتحان فيزيا

.

اليوم المشهود , كله داخل الامتحان ركبه بتلعب و ريقه ناشف , مفيش قنبله نوويه

تنزل على المدرسه تفرتكها الساعه دى ؟؟

المهم دخلنا الامتحان , كنا 7 فى اللجنه

المراقب دخل كده و بص علينا و فى عينه نظره حنان ابوى حقيقيه و قال

ربنا معاكوا يا ولاد -

و وقفلنا ناضورجى على باب اللجنه , مع تحياتى لوزاره سكسفونيا المستقبل

.

لجنه 2 ثانويه عامه - امتحان عربى

.

اول يوم امتحان بيكون يوم العربى , كانت اللجنه مليانه على الاخر , عيال من ادبى

على كتاكيت من علمى .... ما علينا , سيبك من كل دول و امسك فى الواد خالد

و خالد ده شمبانزى قاعد فى اللجنه , مسخره

كان مقضى اللجنه بورشام و بالصدفه البحته كان فى واحد كاتب مقرر البلاغه على

الدرج بتاعه , طبعا الملزمه اللى كانت على الارض و هوا بيقلب صفحاتها برجله

مكانتش غش , لأنها كان مكتوب عليها ( حساب - رابعه ابتدائى ) ... تمويه يعنى

.....

كل ده مش مهم , اللى يغيظ انه فى اخر ربع ساعه من الوقت رفع ايده بمنتهى الادب

المراقب - نعم يا حبيبى ؟؟

happy hour خالد - ولا مؤاخذه يا باشا , مش ممكن الربع ساعه دى نقضيها

المراقب - عايز تغش ؟؟

خالد - لا و عهد الله يا باشا , هنراجع بس

.

لجنه 3 - امتحان دبلوم فنى صناعى , صباحيه يوم الامتحان

.

مؤمن رايح الامتحان , و مزنوق فـ بريزه ..... بريزه اللى هيا الورقه ام 10 جنيه عشان

الناس اللى بتفهم غلط متسرحش بخيالها

العبد لله - عايز البريزه تعمل بيها ايه يا مؤمؤ ؟؟

مؤمن - انا معايا 30 ناقص 10 علشان اروح الامتحان

العبد لله - و انت عايز اربعين لحلوح ليه ؟؟ هتدفعوا جمارك على ورق الاسئله ؟؟

مؤمن - لأ يا دهف , احنا كل اول لجنه بنجيب للمراقبين 2 كيلو كباب بالتفاصيل بتاعتهم

العبد لله - ليه ياللى ما تتسمى , ما اياكشى يولعوا يا اخى و انتو مالكوا ؟؟

مؤمن - دى التسعيره , علشان يسيبونا نغش يا جاهل

!! العبد لله - .............؟

.

كل الوقائع المذكوره بتفاصيلها حقيقيه و حدثت و مازالت تحدث *

هذه الاحداث تمثل الواقع اليومى لنسبه من الطلاب فى الامتحانات , اما الاسخم **

فبيحصل مع نسبه قليله فقط

لو مظهرتش الاسبوع الجاى بالكتير بلغوا جمعيه ( السيد قشطه ) لحقوق الانسان ***

.

arni

23-6-2008

Share