الاجازه ..... ـ
زمان الاجازه كان معناها لعب الكوره , السهر فى الشارع , المصيف ..... ـ
لكن دلوقتى الحال اختلف , فى مرحله الجامعه اتحولت الاجازه لنكد بجد
من اول ايام الاجازه تلاقى مشكله التدريب الصيفى , لازم تدورلك على
فرصه تدريب فى الصيف و إلا هتبقى متأخر عن زمايلك فى عدد الشهادات
وقت التخرج , يبقى انت ماشى فرحان بشهاده التخرج و تلاقى غيرك
شايل بؤجه مليانه شهادات , طبعا معروف مين فيكم اللى هيشتغل الاول
دخلتك انا فى جو الحكايه ؟
الحكايه المره دى تتلخص فى مغامرتى السنه دى فى رحله التدريب الصيفى
و رحمه بيا و بيك , مش هجيب سيره البحث عن الفرصه , هبدأ من أول ما
لقيت الفرصه لحد ما خلص التدريب
1 ـ الطريق الى الدلنجات
يوم السفر الصبحيه
العبــــــــد لله : صباح الفل يا باشمهندس , انا محمد سمير بتاع التدريب
الباشمهندس : صباح النور يا محمد , التدريب هيكون فى سفاجا
العبــــــــد لله : و ماله يا باشمهندس , ده حتى الساحل الشمالى دلوقتى اخر طراوه
الباشمهندس : بس سفاجا مش فى الساحل الشمالى يا ابنى
العبــــــــد لله : ( شهقه طويله ) عملتها اسرائيل و احتلت سفاجا ...... لااااااااااء
ـــــــــــــــــــــــــ مش و هوا محمد سمير فيكى يا مصر يحصل كده , حضرلى البازوكا
ـــــــــــــــــــــــــ ياض منك ليه ,ده اللـ .......... ـ
الباشمهندس : هدى نفسك يا عم رامبو , سفاجا دى على البحر الاحمر , بعد الغردقه
العبــــــــد لله : و ماله يا باشمهندس , نروح سفاجا .... احنا صغيرين ؟
الباشمهندس : طيب حضر نفسك للسفر بسرعه علشان تلحق الراجل اللى
ـــــــــــــــــــــــــ هيدبرلك القعده هناك
العبــــــــد لله : قشطه يا هندز ..... احم احم ..... متشكر جدا يا باشمهندس
ظهيره يوم السفر
تررررررررررررررن تررررررررررررررن
العبد لله : الو ؟؟ شركه الشونه للنقل البرى ؟
بنـــــــت : شركه الجونه مع حضرتك يا فندم ..... اى خدمه ؟
العبد لله : عندكو حجوزات لسفاجا ؟
البنــــت : ايو يا فندم ..... كاك كاك كاك كوكوكووكو
العبد لله : جميل , طيب و رحله النهارده فيها اماكن فاضيه ؟؟
البنــــت : لحظه واحد يا فندم .... كاك كاك كاك كاك
العبد لله : طب و حياه والدك عايز احجز النهارده
البنــــت : كاك كاك كااااااااك كوكو ؟؟
العبد لله : اى حاجه بس تكون جنب الشباك و النبى
البنــــت : كاك كاك كاك كاك
العبد لله : يحميكى لشبابك يا عروسه , نردهالك فى الافراح
نفس اليوم الساعه 10 بالليل
العبد لله : من فضلك يا برنس , اتوبيس سفاجا هيطلع منين ؟
موظـف : من البارك اللى تحت الكوبرى هناك ده
العبد لله : لو سمحت يا برنس , اتوبيس سفاجا هيطلع منين ؟
موظـف : من هنااااااااك , البارك اللى هناك ده قلتلك
العبد لله : حاسب بس على نفسك , جتك داهيه فـ قرعتك
نفس اليوم الساعه 10:50 بالليل
العبد لله : حضرتك سواق الاتوبيس يا عم الحاج ؟
السواق : اه
العبد لله : الاتوبيس ده بقى هيروح سفاجا ؟
السواق : حسب تساهيل ربنا
العبد لله : يعنى سيادتك عقدت نيه السفر لسفاجا , بالاتوبيس ده ؟
السواق : ربنا يكرم الجميع يا ابنى , و اهو كلنا رايحين رايحين
العبد لله : اليوم الزباله ده مش هيعدى , يعنى حضره جناب سعادتك
ـــــــــــــــــ رايح سفاجا وللا رايح تنتحر فى اقرب ترعه ؟
السواق : سفاجا
العبد لله : ربنا يهدك
و ركبت الاتوبيس الساعه 11 بالليل منطلقا الى سفاجا , يوم الاثنين 21/7
زمان الاجازه كان معناها لعب الكوره , السهر فى الشارع , المصيف ..... ـ
لكن دلوقتى الحال اختلف , فى مرحله الجامعه اتحولت الاجازه لنكد بجد
من اول ايام الاجازه تلاقى مشكله التدريب الصيفى , لازم تدورلك على
فرصه تدريب فى الصيف و إلا هتبقى متأخر عن زمايلك فى عدد الشهادات
وقت التخرج , يبقى انت ماشى فرحان بشهاده التخرج و تلاقى غيرك
شايل بؤجه مليانه شهادات , طبعا معروف مين فيكم اللى هيشتغل الاول
دخلتك انا فى جو الحكايه ؟
الحكايه المره دى تتلخص فى مغامرتى السنه دى فى رحله التدريب الصيفى
و رحمه بيا و بيك , مش هجيب سيره البحث عن الفرصه , هبدأ من أول ما
لقيت الفرصه لحد ما خلص التدريب
1 ـ الطريق الى الدلنجات
يوم السفر الصبحيه
العبــــــــد لله : صباح الفل يا باشمهندس , انا محمد سمير بتاع التدريب
الباشمهندس : صباح النور يا محمد , التدريب هيكون فى سفاجا
العبــــــــد لله : و ماله يا باشمهندس , ده حتى الساحل الشمالى دلوقتى اخر طراوه
الباشمهندس : بس سفاجا مش فى الساحل الشمالى يا ابنى
العبــــــــد لله : ( شهقه طويله ) عملتها اسرائيل و احتلت سفاجا ...... لااااااااااء
ـــــــــــــــــــــــــ مش و هوا محمد سمير فيكى يا مصر يحصل كده , حضرلى البازوكا
ـــــــــــــــــــــــــ ياض منك ليه ,ده اللـ .......... ـ
الباشمهندس : هدى نفسك يا عم رامبو , سفاجا دى على البحر الاحمر , بعد الغردقه
العبــــــــد لله : و ماله يا باشمهندس , نروح سفاجا .... احنا صغيرين ؟
الباشمهندس : طيب حضر نفسك للسفر بسرعه علشان تلحق الراجل اللى
ـــــــــــــــــــــــــ هيدبرلك القعده هناك
العبــــــــد لله : قشطه يا هندز ..... احم احم ..... متشكر جدا يا باشمهندس
ظهيره يوم السفر
تررررررررررررررن تررررررررررررررن
العبد لله : الو ؟؟ شركه الشونه للنقل البرى ؟
بنـــــــت : شركه الجونه مع حضرتك يا فندم ..... اى خدمه ؟
العبد لله : عندكو حجوزات لسفاجا ؟
البنــــت : ايو يا فندم ..... كاك كاك كاك كوكوكووكو
العبد لله : جميل , طيب و رحله النهارده فيها اماكن فاضيه ؟؟
البنــــت : لحظه واحد يا فندم .... كاك كاك كاك كاك
العبد لله : طب و حياه والدك عايز احجز النهارده
البنــــت : كاك كاك كااااااااك كوكو ؟؟
العبد لله : اى حاجه بس تكون جنب الشباك و النبى
البنــــت : كاك كاك كاك كاك
العبد لله : يحميكى لشبابك يا عروسه , نردهالك فى الافراح
نفس اليوم الساعه 10 بالليل
العبد لله : من فضلك يا برنس , اتوبيس سفاجا هيطلع منين ؟
موظـف : من البارك اللى تحت الكوبرى هناك ده
العبد لله : لو سمحت يا برنس , اتوبيس سفاجا هيطلع منين ؟
موظـف : من هنااااااااك , البارك اللى هناك ده قلتلك
العبد لله : حاسب بس على نفسك , جتك داهيه فـ قرعتك
نفس اليوم الساعه 10:50 بالليل
العبد لله : حضرتك سواق الاتوبيس يا عم الحاج ؟
السواق : اه
العبد لله : الاتوبيس ده بقى هيروح سفاجا ؟
السواق : حسب تساهيل ربنا
العبد لله : يعنى سيادتك عقدت نيه السفر لسفاجا , بالاتوبيس ده ؟
السواق : ربنا يكرم الجميع يا ابنى , و اهو كلنا رايحين رايحين
العبد لله : اليوم الزباله ده مش هيعدى , يعنى حضره جناب سعادتك
ـــــــــــــــــ رايح سفاجا وللا رايح تنتحر فى اقرب ترعه ؟
السواق : سفاجا
العبد لله : ربنا يهدك
و ركبت الاتوبيس الساعه 11 بالليل منطلقا الى سفاجا , يوم الاثنين 21/7
arni
31-7-2008
31-7-2008
6 commentat:
لا حول ولا قوة الا بالله
سفاجا :|
دي جحيم و قمة ذل الانفاس في مصر المقروصة كلها
اكيد كان اسبوع التدريب دا صعب و حر و دلنجات على قولتك استاذنا
ويارب يكون عدى على خير
لغاية الوأتي تقريبا اعتقد محصلشي حاجة :D
اخيرا لقيت واحد يوافقنى على رأيى فى
سفاجا
كمكان , كل اللى يشوفنى يا سوستى يا بنتى
يقعد يقولك اكيد مكنتش رايح تتدرب , تلاقيك
رحت اتفسحتلك يومين , اللى اداك يدينا يا سيدى
انا كنت قاعد فى شقه قرب المينا , ملاصقه
لقريه الحجاج , مش عايز اقوللك المكان عامل
ازاى و الناس عاملين ازاى و ..... وللا ليه
مقولش , منا هقول كل حاجه فى التدوينات
الجايه , عموما شرفتينا و آنستينا يا بنتى
و منتظر دروس الفلاش و الاوتوكاد اللى لسه
متطبقوش
ciao
ههههههه هو مين الهبلولي اللي ممكن يروح يصيف في سفاجا .. طب ما الغردقة في وشها على طول هي فركة كعب و جنة
.. جنب المينا ! .. المينا دي بقى بؤرة الجحيم في سفاجا .. يعوذ بالله .. تخيل حضرتك السويس مقفولة من ساعة غرق السلام و كل السفن بتيجي على سفاجا والغردقة من ساعتها .. ومفيييييش ريحة الكمبيوتر في المينا !
السجلات كلها بالإيد و منتهى قلة الادب والذل بجد في المينا دي
ان كان مع مصري ولا مع اجنبي
.. المشكلة اللزيزة :D اني جيت عايزة اصور المناظر و قلة الادب اللي بتحصل هناك :) بس واحد ميري عسل كدا بيقولك ممنوع التصوير
.. بلاش فضايح ..
و بخصوص الدروس استاذنا :$ .. الحقيقة انا اعتزلت تطبيق الدروس مؤقتاً لغاية ما ارجع جدة .. مش عارفة ليه مش عارفة اطبق في مصر :D
عموما , و تتوالى الحلقات يعنى .... فى الحلقه الـ 15 ان شاء الله و اللى بعون الله
هقوم فيها بقتل السلعوه ام راسين هتعرفى ان الشغل كان فى الصحرا , بين سفاجا و القصير
و فى الحلقه اللى بعديها ( انتقام السلعوه ) هتعرفى برضه اننى كنت منعزل عن
كل البشر , سواء العمال اللى كنت عايش معاهم , و البلد نفسها , احتليت اوده
و مخرجتش منها طول الاسبوع غير للموقع و بس
عموما بجد ربنا فى عونك , البلد دى بجد مش عايزه المحترم , عايزه اللى صوته عالى
و بيعرف يشتم و الاهم انه يكون ابن خاله امين شرطه طبعا , هكذا تسير السفينه
و ده طبعا من اهم ملامح برنامج الرئيس زمباوى الانتخابى , واسطه لكل مواطن و مطواه لكل طالب
ربنا يرجعك على خير يا بنتى و تسيبى البلد على خير , و يا للأسف مش هنلاقى
حد نحاسبه على التطبيقات فى الوقت الحالى
ciao ya benty
enta mot2kd enak 2talt elsl3oa wala hya ely........shaklha hya,we dh kan sr e5tfa2 mdonato l7ad el2aaaan.:D,SALMOOOZ .
طيب فين بقية الحلقات يا محمد
مستنين الباقي
Post a Comment