البتاع
.
.
ياللى فتحت البتاع
فتحك على مقفول
لأن أصل البتاع
واصل على موصول
فأى شيئ فى البتاع
الناس تشوف على طول
و الناس تموت فى البتاع
فيبقى مين مسئول ؟
.
و إزاى حتفتح بتاع
فى وسط ناس بتقول
بأن هذا البتاع
جاب الخراب بالطول
لأن حتة بتاع
جاهل غبى مخبول
أمر بفتح البتاع
لأنه كان مسطول
.
و بعد فتح البتاع
جابوا الهوا المنقول
نكش عشوش البتاع
و هد كل أصول
و فات فى غيط البتاع
قام سمم المحصول
و خلى لون البتاع
أصفر حزين مهزول
.
فساد قانون البتاع
و لا عله ولا معلول
فالقاضى تبع البتاع
فالحق عـ المقتول
و الجهل زاد فى البتاع
ولا مقرى ولا منقول
و الخوف سرح فى البتاع
خلا الديابه تصول
.
يبقى البتاع فى البتاع
و الناس صايبها ذهول
و إن حد قال ده البتاع
يقولوله مش معقول
و ناس تعيش بالبتاع
و ناس تموت بالفول
و ناس تنام عـ البتاع
و ناس تنام كشكول
.
أدى اللى جابه البتاع
جاب الخراب مشمول
لأن حتة بتاع
مخلب لراس الغول
باع البتاع بالبتاع
و عشان يعيش على طول
عين حرس بالبتاع
و برضه مات مقتول
أحمد فؤاد نجمفتحك على مقفول
لأن أصل البتاع
واصل على موصول
فأى شيئ فى البتاع
الناس تشوف على طول
و الناس تموت فى البتاع
فيبقى مين مسئول ؟
.
و إزاى حتفتح بتاع
فى وسط ناس بتقول
بأن هذا البتاع
جاب الخراب بالطول
لأن حتة بتاع
جاهل غبى مخبول
أمر بفتح البتاع
لأنه كان مسطول
.
و بعد فتح البتاع
جابوا الهوا المنقول
نكش عشوش البتاع
و هد كل أصول
و فات فى غيط البتاع
قام سمم المحصول
و خلى لون البتاع
أصفر حزين مهزول
.
فساد قانون البتاع
و لا عله ولا معلول
فالقاضى تبع البتاع
فالحق عـ المقتول
و الجهل زاد فى البتاع
ولا مقرى ولا منقول
و الخوف سرح فى البتاع
خلا الديابه تصول
.
يبقى البتاع فى البتاع
و الناس صايبها ذهول
و إن حد قال ده البتاع
يقولوله مش معقول
و ناس تعيش بالبتاع
و ناس تموت بالفول
و ناس تنام عـ البتاع
و ناس تنام كشكول
.
أدى اللى جابه البتاع
جاب الخراب مشمول
لأن حتة بتاع
مخلب لراس الغول
باع البتاع بالبتاع
و عشان يعيش على طول
عين حرس بالبتاع
و برضه مات مقتول
سجن الإستئناف 1981
القصيده من كتاب - أحمد فؤاد نجم .. الأعمال الشعريه الكامله
دار ميريت , القاهره 2005
samir
7-6-2009
7-6-2009
1 commentat:
hya 7lwa bgd we 3gbany bas link el you tube dh fe she2 kbeeeeeeeeer mn elsa5afa ele moztfeza
Post a Comment